पोलादपूर येथे डम्पर उलटला

मुंबई : काटेतळी गावात सडवली हद्दीतील दगड खाणीतून मालवाहतूक करणारा डम्पर उतारावरून गुरांच्या वाड्यावर बुधवारी उलटला. या अपघातात दोन जण जखमी झाले असून गुरांच्या वाड्यांचे मोठ्या प्रमाणावर नुकसान झाले आहे. दिशा दिलीप चव्हाण व गीता दिलीप चव्हाण (रा. काटेतळी) अशी जखमींची नावे आहेत. जखमींवर पोलादपूर येथील रुग्णालयात उपचार सुरू आहेत.

माेठी बातमी : आता शिवभोजन थाळी येणार थेट तुमच्‍या दारी... 

सडवली हद्दीतील दगडाच्या खाणींमध्ये उत्खनन करण्यासाठी सुरुंग स्फोट करून दगड काढण्यात येतो. या स्फोटाचे हादरे गावातील सार्वजनिक मंदिर व काही घरांना बसल्याने मोठे नुकसान झाले आहे. या खाणीमध्ये जाण्यासाठी काटेतळी रस्त्याचा उपयोग केला जातो. या रस्त्यालगत शाळा असल्याने विद्यार्थ्यांच्या जीवाला धोका निर्माण झाला आहे.

महत्‍वाची बातमी : ही बोट ठरणार रायगडसाठी संजीवनी 

गावातील रस्त्यावरील अवजड वाहतूक बंद करण्यात यावी, या मागण्यांचे निवेदन काटेतळी सरपंच आरती मोरे व ग्रामस्थांनी पोलादपूर तहसील कार्यालय येथे दिले आहे. बुधवारी सकाळी साडेआठ वाजता काटेतळी गावात सडवली हद्दीतील दगड खाणीतून मालवाहतूक करणारा डम्पर उतारावरून गुरांच्या वाड्यावर उलटला. या अपघातात मालक संतोष बाळाराम मोरे यांच्या वाड्याचे नुकसान झाले असून गुरांना दुखापत झाली नाही.