कल्याण : कल्याण पूर्वेतील खासगी रुग्णालयात उपचार घेणाऱ्या एका रुग्णाला केवळ पीपीई कीटचे 27 हजार रुपये बिल आकारल्याची घटना समोर आली आहे. कोरोनाची भीती दाखवून रुग्णांकडून जादा पैसे घेण्यात येत आहेत.
कल्याण, डोंबिवलीत कोरोनाबाधित रुग्णांच्या संख्येत झपाट्याने वाढ होत आहे. काही खासगी रुग्णालयात अन्य आजाराच्या रुग्णांना उपचारासाठी दाखल करुन घेतले जात नाही. उपचारासाठी दाखल करुन घेतल्यास त्या रुग्णांकडून अव्वाच्यासव्वा बिल उकळले जात असल्याचा प्रकार कल्याण पूर्वेतील खासगी रुग्णालयात समोर आला आहे.
कल्याण पूर्वेत राहणारे रवींद्र राजभर हे कल्याण पूर्वेतील चक्कीनाका परिसरातील मल्टीस्पेशलीस्ट हाॅस्पिटलमध्ये उपचारासाठी दाखल झाले होते. त्यानंतर मॅनेजमेंटने उपचाराच्या बिलामध्ये तीन दिवसात पीपीई कीटचे 27 हजार रुपये आकारल्याचे नमूद केले. हा प्रकार राजभर यांच्या नातेवाईकांनी कल्याण पूर्वमधील शिवसेना नगरसेवक महेश गायकवाड यांना सांगितला. त्यानंतर गायकवाड यांनी रुग्णालयात धाव घेऊन रुग्णालय प्रशासनास धारेवर धरत बिलाची रक्कम कमी करून घेतली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
