Tina Ambani : फेमा कायद्याच्या उल्लंघन प्रकरणी टीना अंबानींची ईडीकडून चौकशी

मुंबई - परकीय चलन कायद्याच्या फेमाच्या कथित उल्लंघनाप्रकरणी अभिनेत्री आणि उद्योगपती अनिल अंबानी यांच्या पत्नी टीना अंबानीची मंगळवारी ईडीने चौकशी केलं. मंगळवारी टीना अंबानी सकाळी 11 च्या सुमारास चौकशीसाठी ईडी कार्यालयात पोहोचल्या.

यापूर्वी सोमवारी याच प्रकरणात अनिल अंबानी यांचाही ईडीकडून जबाब नोंदवण्यात आला आहेत. मिळालेल्या माहितीनुसार ईडी अंबानीं दांपत्याना पुन्हा एकदा चौकशीसाठी बोलावू शकते. यापूर्वी 2020 साली येस बँक प्रकरणात ईडीने अनिल अंबानींची चौकशी केली होती.

अनिल अंबानी आणि त्यांची पत्नी नीता अंबानी ईडीसमोर हजर झालेल्या प्रकरणाबाबत फारशी माहिती समोर आलेली नाही. परंतु सूत्रांच्या हवाल्याने मिळालेल्या माहितीनुसार अंबानी दाम्पत्याविरुद्धचा तपास परदेशात अघोषित संपत्ती आणि पैशांच्या व्यवहाराशी संबंधित आहे.

गेल्या वर्षी ऑगस्टमध्ये, आयकर विभागाने अनिल अंबानी यांना काळा पैसा विरोधी कायद्यांतर्गत दोन स्विस बँक खात्यांमध्ये जमा केलेल्या 814 कोटी रुपयांच्या अज्ञात रकमेवर 420 कोटी रुपयांची करचोरी केल्याबद्दल नोटीस बजावली होती. या प्रकरणी मुंबई उच्च न्यायालयाने अंबानी याना दिलासा देत त्याच्यावर कोणतीही दंडात्मक कारवाई न करण्याचे आदेश प्राप्तिकर विभागाला दिले आहेत.

रिलायन्स इंडस्ट्रीजचे अध्यक्ष मुकेश अंबानी यांचे भाऊ अनिल अंबानी हे रिलायन्स एडीए ग्रुपचे (रिलायन्स एडीएजी) चेअरमन आहेत. सध्या अनिल अंबानी व्यवसायात अनेक अडचणीना सामना करत आहेत. अनिल अंबानींच्या अनेक कंपन्यांवर प्रचंड कर्ज असून ते दिवाळखोरीच्या प्रक्रियेतून जात आहेत.