"आयआयटी टेकफेस्ट'मध्ये आईन्स्टाईन!

मुंबई : आयआयटी मुंबईच्या "टेकफेस्ट'मध्ये यंदा हातवारे आणि भावना ओळखणारा रोबोट पाहण्याची संधी मुंबईकरांना मिळणार आहे. त्याचे नाव आहे आइन्स्टाईन. तो कोणत्याही व्यक्तीच्या भावना चटकन ओळखू शकतो, तसेच समोरील व्यक्ती स्त्री आहे की पुरुष हेही आइन्स्टाईन ओळखणार आहे.

हे देखील वाचा दोन लाखांची कर्जमाफी म्हणणाऱ्या सरकारनेही शेतकऱ्यांवर घातली 'ही' बंधने

आयआयटी मुंबईचा टेकफेस्ट 3 ते 5 जानेवारीदरम्यान पवई कॅम्पसमध्ये रंगणार आहे. या फेस्टमध्ये दरवर्षी विविध रोबोट सहभागी होतात. 2017 च्या टेकफेस्टमध्ये नागरिकत्व प्राप्त झालेली जगातील पहिली रोबोट सोफिया सर्वांचे आकर्षण ठरली होती. यंदा टेकफेस्टमध्ये आइन्स्टाईन हा मानवी रोबोट मुंबईकरांना 5 जानेवारीला पाहता येणार आहे. सोफियाप्रमाणे किंबहुना तिच्याहून अधिक कौशल्य आइन्स्टाईन रोबोटमध्ये आहे. तो तब्बल 10 लाख व्यक्तींचे चेहरे लक्षात ठेवू शकतो, तसेच गर्दीतील व्यक्ती स्त्री आहे की पुरुष हेही तो सहज ओळखतो.

महत्वाची बातमी व्यंगचित्रकार मित्राच्या निधनाने राज ठाकरे हळहळले

अल्बर्ट आइन्स्टाईन हे एक सैद्धांतिक भौतिकशास्त्रज्ञ होते. सर्वश्रेष्ठ वैज्ञानिकांमध्ये त्यांची गणना केली जाते. याच शास्त्रज्ञानाचा रोबोट आयआयटी मुंबईच्या टेकफेस्टमध्ये दाखल होणार असल्याने अनेकांची उत्सुकता वाढली आहे.

खास वैशिष्ट्ये... 
हा रोबो व्यक्तीच्या भावना ओळखतो. व्यक्तीला भीती वाटत असेल किंवा राग येत असेल, एखादी व्यक्ती नैराश्‍यात असेल, तर तेही हा रोबोट चटकन ओळखू शकतो, ही त्याची खास वैशिष्ट्ये आहेत. तसेच विचारलेल्या प्रश्‍नांनाही सहज उत्तरे देण्याची क्षमता त्याच्यात आहे.