एकनाथ शिंदे : मुंबई नव्हे, तर ठाण्यातील बंगल्यावर कट शिजला

मुंबई : विधान परिषद निवडणुकीनंतर मंत्री एकनाथ शिंदे यांनी आमदारांसोबत सुरत गाठले. मात्र सुरतला जाण्याआधी या बंडाळीची ‘खिचडी’ ठाण्याच्या महापौर बंगल्यावर शिजल्याचे समोर आले आहे. विधान परिषदेच्या निकालानंतर उपवन येथे असलेल्या महापौर बंगल्यावर सर्व आमदारांची बैठक आणि जेवणाचा कार्यक्रम झाला. यावेळीच या घटनाक्रमाला सुरुवात झाल्याची चर्चा आहे.(Eknath Shinde News)

विधान परिषद निवडणुकीनंतर एकनाथ शिंदे नॉट रिचेबल झाले. त्या आधी काय घडले, आमदारांना त्यांनी कुठे विश्वासात घेतले याविषयीच्या चर्चांना उधाण आले आहे. याचवेळी अशी माहिती समोर आली आहे की, सुरतला जाण्याआधी एकनाथ शिंदे रात्री नऊच्या सुमारास उपवनच्या महापौर बंगल्यावर काही तासांसाठी होते. हे ठिकाण त्यांच्या आवडीचे असून अनेक निर्णय ते या निसर्गरम्य परिसरातील बंगल्यावर घेतात. येथेच त्यांनी त्यांच्या विश्वासातील आमदारांशी चर्चा केली. पुढील राजकीय वाटचालीविषयी खलबते केल्यानंतर ते सुरतला रवाना झाले.

शांताराम मोरे आयोध्या दौऱ्यावरुन घरी आलेच नाहीत - पत्नी आशा मोरे

भिवडीं ग्रामीणचे शिवसेना आमदार १५ जून रोजी आयोध्येला गेले होते. तेथून ते परत घरी आलेच नसून गेले दोन दिवस त्यांच्याशी कोणताच संपर्वâ नसल्याचे पत्नी आशा मोरे यांनी सांगितले. शांताराम मोरे हे आमदार होण्याआधी शिवसेना ठाणे जिल्हा ग्रामीण प्रमुख प्रकाश पाटील यांचे चालक होते. २००९ साली ही विधानसभा जागा अनुसुचित जमातीसाठी राखीव झाल्यामुळे मोरे यांना अचानक उमेदवारी मिळाली. तेव्हापासून त्यांनी तीन वेळा आमदारकीची हॅट्रीक केली आहे.