Eknath Shinde : महापालिका निवडणुकीत महाविकास आघाडीचे ‘घोडे’ ही फरार होतील; उपमुख्यमंत्री एकनाथ शिंदेंचा टोला!

डोंबिवली : लोकसभा आणि विधानसभा निवडणुकांत महाविकास आघाडीचा टांगा पलटला असून येणाऱ्या महापालिका निवडणुकीत त्यांचे घोडेही फरार होतील, असा खोचक टोला राज्याचे उपमुख्यमंत्री एकनाथ शिंदे यांनी लगावला. केडीएमसी निवडणुकीच्या पार्श्वभूमीवर कल्याण पूर्वेतील दादासाहेब गायकवाड क्रीडांगणावर झालेल्या जाहीर पक्षप्रवेश सोहळ्यात त्यांनी विरोधकांवर निशाणा साधत निवडणूक प्रचाराची औपचारिक सुरुवात केली.