Maharashtra Deputy CM Eknath Shinde addressing media after responding to Uddhav Thackeray’s “Anaconda” remark during Shiv Sena’s political face-off in Mumbai.
esakal
Summary
उद्धव ठाकरेंनी वरळीतील मेळाव्यात अमित शहांना “अॅनाकोंडा” म्हटले.
त्यावर उपमुख्यमंत्री एकनाथ शिंदे यांनी प्रत्युत्तर देत उद्धव ठाकरेंनाच “अॅनाकोंडा” म्हटले.
शिंदे म्हणाले की ठाकरे २५ वर्षे मुंबई महापालिकेच्या तिजोरीवर विळखा घालून बसले आहेत.
ठाकरेंच्या शिवसेनेचा निर्धार मेळावा काल मुंबईतील वरळी डोममध्ये पार पडला. या मेळाव्यात बोलताना उद्धव ठाकरेंनी अमित शहांचा अॅनाकोंडा असा उल्लेख केला. त्यांच्या विधानाला उपमुख्यमंत्री एकनाथ शिंदे खोचक प्रत्युत्तर दिले आहे. एकनाथ शिंदे म्हणाले की उद्धव ठाकरे हे स्वत:च अॅनाकोंडा आहेत. गेली २५ वर्षे मुंबई महापालिकेच्या तिजोरीवर मोठा विळखा घालून बसलेले आहेत.या अ‍ॅनाकोंडाचे पोट मुंबईची तिजोरी, अख्खी मुंबई गिळली, रुग्णांची खिचडी, मिठी नदीतील गाळ, रस्त्यावरचे डांबर गिळले तरी त्यांचे पोट भरत नाही अशी खोचक टीका एकनाथ शिंदे यांनी उद्धव ठाकरे यांच्यावर केली.