Vasant More: वसंत मोरे आज 'मशाल' हाती घेणार! ठाकरेंनी कोणता शब्द दिला? 100 गाड्यांच्या ताफ्यासह मुंबईकडे रवाना

Vasant More will join Uddhav Thackeray Group: आपण पक्षात पक्ष प्रवेश करू इच्छितो असं त्यांनी उद्धव ठाकरे यांना सांगितलं होतं. ठाकरे गटाकडूनही याबाबत सकारात्मक संकेत देण्यात आले होते.
Vasant More
Vasant More

मुंबई- वसंत मोरे हे आज शिवसेना उद्धव बाळासाहेब ठाकरे पक्षात प्रवेश करणार आहेत. मागील आठवड्यात त्यांनी मातोश्रीवर जाऊन शिवसेना ठाकरे गटाचे पक्षप्रमुख उद्धव ठाकरे यांची भेट घेतली होती. त्याचवेळी आपण पक्षात पक्ष प्रवेश करू इच्छितो असं त्यांनी उद्धव ठाकरे यांना सांगितलं होतं. ठाकरे गटाकडूनही याबाबत सकारात्मक संकेत देण्यात आले होते.

वसंत मोरे यांनी आज सकाळी माध्यमांना प्रतिक्रिया दिली. मी आज ठाकरे गटात प्रवेश करणार आहे. मी कोणत्याही पदाधिकाऱ्याला माझ्यासोबत येण्याची बळजबरी केलेली नाही. ज्यांना माझ्यासोबत यायचंय ते येतील. ज्यांना यायचं नाही ते येणार नाहीत. मला ठाकरे गटाकडून कोणताही शब्द मिळालेला नाही. मी उद्धव ठाकरे आणि आदित्य ठाकरे यांच्या आदेशानुसार काम करत राहीन, असं मोरे म्हणालेत.

Vasant More
Prakash Ambedkar: वसंत मोरेंच्या पक्षप्रवेशावर प्रकाश आंबेडकरांनी बोलणं टाळलं! म्हणाले, 'आयाराम गयारामचं जे राजकारण...'

मिळालेल्या माहितीनुसार, वसंत मोरे १०० गाड्यांचा ताफा घेऊन मुंबईकडे निघाले आहेत. त्यांच्यासोबत शेकडो कार्यकर्ते आहेत. प्रत्येकाच्या गाडीवर मशाल चिन्हाचे स्टीकर लावण्यात आले आहे. आज दुपारी बाराच्या दरम्यान मातोश्री या ठिकाणी वसंत मोरे आणि त्यांच्या पदाधिकाऱ्यांचा पक्षप्रवेश उद्धव ठाकरे यांच्या उपस्थित होणार आहे.

वसंत मोरे या आधी महाराष्ट्र नवनिर्माण सेना आणि त्यानंतर वंचित बहुजन आघाडी मध्ये होते. लोकसभा निवडणुकीच्या वेळी उमेदवारी मिळावी यासाठी त्यांनी महाविकास आघाडीतून उमेदवारीसाठी प्रयत्न केले होते, मात्र उमेदवारी न मिळाल्याने लोकसभा निवडणुकीसाठी त्यांनी वंचित बहुजन आघाडी कडून उमेदवारी घेतली होती. आता विधानसभा निवडणुकीच्या अनुषंगाने शिवसेना ठाकरे गटात वसंत मोरे प्रवेश करत असल्याची माहिती आहे.

Vasant More
Vasant More: इथेही 'तेच' कारण! वसंत मोरेंनी फोडलं वंचितवर खापर; म्हणाले, प्रकाश आंबेडकरांचा मला फोन आला...

सूत्रांच्या माहितीनुसार, वसंत मोरे हे खडकवासला किंवा हडपसर विधानसभा मतदारसंघातून निवडणूक लढवण्यासाठी इच्छुक आहेत. याबाबत ठाकरे गटासोबत चर्चा झाल्याचं देखील बोललं जात आहे. ठाकरेंकडून शब्द मिळाला असल्याने त्यांनी मशाल हाती घेतली असल्याची चर्चा राजकीय वर्तुळात आहे.

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com