आनंदवार्ता! पनवेल, उरण वगळता रायगड जिल्ह्यात कोरोना नियंत्रणात 

अलिबाग : हॉटस्पॉट ठरलेल्या पनवेल आणि उरण वगळता रायगड जिल्ह्यातील कोरोनाबाधितांची संख्या नियंत्रणात येत आहे. त्याचबरोबर कोरोनावर मात करुन बरे होणाऱ्या रुग्णांची संख्या देखील वाढत आहे. शुक्रवारपर्यंत 131 बरे झालेल्या रुग्णांना डिस्चार्ज देण्यात आला आहे.

मोठी बातमी ः ठाणे जिल्ह्यात कोरोनाचा हाहाकार! 24 तासांत 234 नवे रुग्णांची नोंद

जिल्ह्यात शुक्रवारी रुग्ण संख्येत 32 ने वाढ होऊन एकूण रुग्णसंख्या 311 वर पोहचली आहे. पनवेल पालिका हद्दीत 15 आणि पनवेल तालुक्यात 12 रुग्णांची वाढ झाली आहे. यामुळे या एकाच तालुक्यातील बाधितांची संख्या दोनशेहून अधिक झाली आहे. मुरुड आणि खालापूर येथे प्रत्येकी एकाचा कोरोनामुळे मृत्यू झाला असून एकूण मृत्युमुखी पडलेल्या रुग्णांची संख्या 17 इतकी झाली आहे. तळा, खालापूर, महाड, पेण येथे प्रत्येकी एका रुग्णाची भर आजच्या दिवसात पडली आहे. त्यामुळे एकूण बाधितांची संख्या 311 इतकी झाली आहे. 

मोठी बातमी ः नियम तोडून कोरोनाबाधित मृतदेहाला घातली आंघोळ, पुढे काय झालंय तुम्हीच वाचा...
 

कोरोनाबाधितांची संख्या

• पनवेल मनपा-127 
• पनवेल ग्रामीण-76 
• उरण-100
• अलिबाग-4 
• तळा-1
• खालापूर-1 
• महाड-1
• पेण-1

एकूण - 311