'एक्सप्रेस कोविड टेस्ट'मुळे आता 13 मिनिटात येणार कोरोना चाचणीचा अहवाल

मुंबई, ता 30 : मुंबई आंतरराष्ट्रीय विमानतळ प्राधिकरणाने 'एक्सप्रेस कोविड19 टेस्ट'  म्हणजेच जलद चाचण्या सुरू केल्या आहेत. या चाचण्यांचा निकाल अवघ्या 13 मिनिटात हाती येतो. परदेशातून 28 डिसेंबरपर्यंत मुंबईत आलेल्या 400 प्रवाशांवर एक्सप्रेस कोविड टेस्ट करण्यात आल्या असल्याची माहिती विमानतळ प्राधिकरणाने पत्रक काढून दिली. मुंबईतील छत्रपती शिवाजी महाराज आंतरराष्ट्रीय विमानतळ प्राधिकरणाने मंगळवारपासून या नव्या चाचण्या सुरू केल्या आहेत. 24 तास या चाचण्यांची सुविधा उपलब्ध आहे. केवळ 13 मिनिटात चाचण्यांचा निकाल येत असून एका चाचणीला 4,500 रुपये इतका खर्च आहे. 

महत्त्वाची बातमी : "आरोप सिद्ध करा, नाहीतर कायदेशीर कारवाईला सामोरे जाण्यासाठी तयार राहा", संजय राऊत आक्रमक

डिसेंबर 15 पासून या चाचण्यांना सुरुवात करण्यात आली असून दिवसाला साधारणतः 30 ते 35 चाचण्या करण्यात येत असल्याची माहिती विमानतळ प्रशासनाने दिली. आतापर्यंत तपासण्यात आलेल्या 400 प्रवाशांपैकी अधिकतर प्रवासी हे महाराष्ट्राबाहेरील होते असे ही सांगण्यात आले. 

ICMR ने ठरवून दिलेल्या गुणवत्ता निर्देशानूसार या चाचण्या करण्यात येत आहेत. अशा चाचण्या विमानतळ प्रशासनाने  पहिल्यांदाच सुरू केल्या आहेत. या चाचण्यांचा निकाल जलद आणि विश्वासार्ह असल्याचेही विमानतळ प्रशासनाने म्हटले आहे. याशिवाय प्रवाशांना RT-PCR चाचण्यांचा पर्याय देखील उपलब्ध असल्याचेही सांगण्यात आले. 

मुंबई भागातील बातम्या वाचण्यासाठी इथे क्लिक करा । Mumbai News in Marathi from Thane, Navi Mumbai, Vasai-Virar, Mira Bhayandar, Kalyan Dombivali 

या चाचण्यांमुळे वेळ कमी लागत असल्याने या चाचण्या प्रवाशांसाठी फायदेशीर ठरल्या आहेत. यामुळे विमानतळावरील गर्दी देखील कमी होण्यास मदत मिळत आहे. शिवाय चाचण्यांचे निकाल झटपट येत असल्याने संसर्ग पसरण्याचा धोका कमी झाला आहे. शिवाय पॉझिटिव्ह असलेल्या प्रवाश्यांना उपचार ही लवकर सुरू करता येतात. 

( संपादन  - सुमित बागुल )

covid express tests starts on mumbai airport now reports will come in 13 minutes