मुंबई : तंत्रशिक्षण विभागातर्फे राबविण्यात येणाऱ्या पॉलिटेक्‍निक थेट द्वितीय वर्ष अभ्यासक्रमाच्या प्रवेश प्रक्रियेला मुदतवाढ देण्यात आली आहे. मुदतवाढीनुसार विद्यार्थ्यांना 7 ऑक्‍टोबरपर्यंत ऑनलाइन अर्ज करता येणार आहे. याच कालावधीत विद्यार्थ्यांना कागदपत्रांची पडताळणीसह अर्ज निश्‍चितीची प्रक्रिया पूर्ण करावी लागणार आहे. प्रवेशाची अंतिम गुणवत्ता यादी 15 ऑक्‍टोबर रोजी जाहीर होणार आहे.

हेही वाचा : वांद्रे,धारावीत पाणी कपात; बीकेसी कलानगरमध्ये मंगळवारी कमी दाबाने पाणी

तंत्रशिक्षण विभागामार्फत 17 ऑगस्टपासून पॉलिटेक्‍निक थेट द्वितीय वर्ष अभ्यासक्रमाच्या प्रवेश प्रक्रिया राबविण्यात येत आहे. विद्यार्थ्यांच्या मागणीनुसार ऑनलाइन अर्ज भरण्याच्या प्रक्रियेला विभागाने मुदतवाढ दिली आहे. मुदतवाढीनुसार विद्यार्थ्यांना 7 ऑक्‍टोबरपर्यंत अर्ज भरता येणार आहे. कागदपत्रांची पडताळणी, अर्ज निश्‍चितीही याच कालावधीत करता येणार आहे.

हेही वाचा : पर्यावरण प्रेमींनी केलं निर्णयाचं स्वागत, मुंबईतील कांदळवनांचं कवच वाढणार

कोरोनाच्या पार्श्वभूमीवर प्रवेश प्रक्रियेत बदल करण्यात आले आहेत. ऑफलाइनसह ऑनलाइन कागदपत्र तपासणी, अर्ज निश्‍चितीची सुविधा उपलब्ध करून देण्यात आली आहे. शासकीय तंत्रनिकेतनमध्ये जिल्ह्यांसाठी सुविधा उपलब्ध करून देण्यात आली आहे. तात्पुरती गुणवत्ता यादी 10 ऑक्‍टोबरला जाहीर होईल. तर 15 ऑक्‍टोबरला अंतिम गुणवत्ता यादी जाहीर होणार आहे. 
---------------------------
(संपादन : गोरक्षनाथ ठाकरे)