फेसबुकवरील मैत्रीनंतर तरुणीला पाठवलेत अश्लील फोटो; पोलिसांनी थेट UP मध्ये जाऊन आवळल्या मुसक्या

मुंबई : समाज माध्यमांवर झालेल्या मैत्रीनंतर ग्रँट रोड येथे राहणाऱ्या तरुणीला अश्लील फोटो पाठवणाऱ्या 20 वर्षीय तरुणाला उत्तर प्रदेशातून अटक करण्यात पोलिसांना यश आले आहे. तक्रारदार तरुणी उत्तर प्रदेशात विमा कंपनीत काम करत असताना फेसबुकवरून तिची ओळख वीस वर्षीय आरोपी राजकुमार बहादुर मौर्या याच्यासोबत झाली होती. त्याने आपण उत्तर प्रदेश येथील गोरखपूर येथील रहिवासी असल्याचे सांगितले होते. त्यावेळी दोघांनीही एकमेकांचे क्रमांकाची देवाण घेवाण केले होते. त्यानंतर त्यांची भेटही झाली होती.

महत्त्वाची बातमी : तक्रारींचे निवारण अंतिम टप्प्यात, प्रशासन म्हणतय वीजबील भरून सहकार्य करा; तुम्ही बिलं भरणार का ?

आरोपी रात्री अपरात्री दूरध्वनी करू लागला. तरुणीने वारंवार संदेश पाठवू नको, असे सांगितले. त्यानंतरही त्याने ऐकलं नाही. अखेर तिने मैत्री संपवून मेसेज पाठवणे बंद करण्यास सांगितले. पण त्यानंतरही आरोपी अश्लील मेसेजेस पाठवून लागला. वारंवार दूरध्वनी करू लागला. त्यानंतर या तरुणीने त्याच्यासोबतची मैत्री संपवून टाकली होती.

मात्र आरोपीने नग्न छायाचित्र पाठवून शिवीगाळ करण्यास सुरूवात केली. नेहमीच्या त्रासाला कंटाळून अखेर तरुणीने याप्रकरणी डी.बी. मार्ग पोलिसांकडे तक्रार केली. त्यानुसार पोलिसांनी 354 (अ), 354 (ड)  भादंवि कलम माहिती तंत्रज्ञान गैरवापर प्रतिबंधक कायद्याच्या कलम 67, 67(अ) अंतर्गत गुन्हा दाखल करण्यात आला होता.

महत्त्वाची बातमी : आगामी निवडणुकांसाठी विशेष रणनीती, युतीसाठी महाराष्ट्रातील बडा नेता घेणार फडणवीसांची भेट

अखेर पोलिसांनी याप्रकरणी उत्तर प्रदेशात जाऊन याप्रकरणी तपास केला असता आरोपीचा सहभाग आढळला. त्यानंतर त्याला याप्रकरणी नोटीस पाठवून पोलिस ठाण्यात हजर राहण्यात सांगण्यात आल होते. तेथे आला असता चौकशीनंतर त्याला याप्रकरणी अटक करण्यात आली