विमानप्रवास नको रे बाबा! कोरोना संसर्गाची दहशत कायम...

मुंबई : विमान प्रवासादरम्यान अर्ध्यापेक्षा अधिक प्रवासी कोविड-19 च्या नियमांचे पालन करत नाही. त्यामुळे जवळपास 31 टक्के प्रवाशांना विमानाने प्रवास करणे जोखमीचे वाटत आहे. तर 24 टक्के प्रवाशांना आपल्याला विमान प्रवासातून कोरोनाची बाधा होण्याची भिती वाटते. काही खासगी कंपन्यांनी जुन मध्ये केलेल्या सर्वेक्षणात ही माहिती पुढे आली आहे.

चीनी बहिष्काराची लॅमिंग्टन रोडला धास्ती, इलेक्ट्रॉनिक वस्तूंच्या किंमती महागणार...

विमान प्रवास सेवा देण्यासाठी  ‘एयर विस्टारा’ने जुन महिन्यात या संदर्भात एक सर्वे केला होता. यामध्ये  विविध वयोगटातील 6000 प्रवाशांना त्यांची मते विचारण्यात आली होती. 
या सर्वेक्षणात असे दिसून आले की, कोरोना विषाणूची भिती वाटणाऱ्या प्रवाशांची संख्या 46 टक्क्यापेक्षा जास्त आहे ; तर 24 टक्के प्रवाशांना विमानतळावरील चेक-इन, सेक्युरीटीच्या माध्यमातून कोरोनाचा संसर्ग होऊ शकतो अस वाटते. तर 11 टक्के प्रवाशांना बोर्डींग, डिबोर्डींग दरम्यान कोरोनाची बाधा होईल अशी भिती आहे.

कोरोनाशी लढा तीव्र! रेल्वे स्टेशनवरही या गोष्टी उपलब्ध होणार...

विस्टाराने  या प्रवाशांना आपण कधी विमान प्रवास करू शकता असे विचारल्यास 41 टक्के प्रवाशांनी एक महिन्यानंतर विमान प्रवास करणार असल्याचे सांगितले. 65 टक्के प्रवाशांनी पुढल्या सहा महिन्यानंतरच विमान प्रवास करणार असल्याचे म्हटले आहे. केवळ  20 टक्के प्रवाशांनी परदेशी प्रवास करण्याचे ठरवले आहे. अमेरीका आणि थायलंड नंतर यामध्ये 13 टक्के प्रवाशांनी सिंगापूर, 11 टक्के प्रवाशांनी ग्रेट ब्रिटेन तर 10 टक्के प्रवाशांनी दुबईची निवड केली आहे.