Video : दहिसरमधील महिलांच्या अग्निशमन दलाच्या भरतीदरम्यान पोलीस-उमेदवारांमध्ये झटापट

Dahisar Fire Brigade Recruitment : दहिसरमध्ये महिलांच्या अग्निशमन दलाच्या भरतीदरम्यान मोठा गोंधळ झाला आहे.

हेही वाचा : रायगडमध्ये पर्यटनासाठी येतेय नवी संधी

भरतीसाठी आलेल्या उमेदवारांपैकी जास्त उंचीच्या मुलींना बाहेर काढल्याचा आरोप महिलांनी केला आहे.

दहिसरमध्ये महिला आणि पुरुष या दोन्ही गटासाठी भरती प्रक्रिया सुरू असून, राज्याच्या विविध जिल्ह्यातून जवळपास दोन ते तीन हजार मुली दहीसरमध्ये दाखल झाल्या आहेत.

परंतु, आहे. मात्र, महिलांची उंची ही 162 सेंटीमीटर हवी, असा निकष होता. मात्र, प्रत्यक्ष ठिकाणी 163 किंवा 164 सेंटीमीटर ऊंची असलेल्या उमेदवारांनादेखील बाहेर काढण्यात आल्याचा आरोप महिला उमेदवारांनी केला. यामुळे महिला उमेदवारांमध्ये संताप निर्माण झाला.

त्यानंतर उपस्थित महिला उमेदवारांनी निवडप्रकियेच्या ठिकाणीच आंदोलन सुरू केले. यामुळे येथे काहीकाळ गोंधळाचे वातावरण निर्माण झाले होते. यावेळी पोलीस आणि उमेदवारांमध्ये काहीशी झटापट झाली.

दरम्यान, या सर्व घटनेवर मुंबई अग्निशमन दलाचे मुख्य अधिकाऱ्यांनी यावर प्रतिक्रिया दिली आहे. ते म्हणाले की, उंचीच्या निकषानुसार पात्र ठरलेल्या ३३१८ महिला उमेदवारांची पुढील निवड प्रक्रियेसाठी निवड करण्यात आली.

आंदोलक करणाऱ्या महिला उशिरा आलेल्या होत्या. प्रत्यक्षात निवड प्रक्रियेची वेळ ही सकाळी ८ वाजताची होती. मात्र, अनेक महिला या सकाळी १० च्या सुमारास पोहोचल्या. त्यामुळे आम्ही उशिरा दाखल झालेल्या उमेदवारांना परवानगी नाकारली. असे मुंबई अग्निशमन दलाचे मुख्य अधिकाऱ्यांनी सांगितले.