Eknath Shinde News : CM शिंदेंचा पुन्हा ठाकरेंना धक्का! राऊतांच्या निकटवर्तीय माजी नगरसेवकाचा शिवसेनेत प्रवेश

Mumbai News : राज्यात सर्व राजकीय पक्षांकडून आगामी निवडणूकांच्या तयारीला सुरूवात झाली आहे. मुंबईतील महानगरपालिकांच्या निवडणूकांसाठी उद्धव ठाकरे आणि एकनाथ शिंदे या दोन्ही गटाकडून जोर लावला जात आहे. या दरम्यान मुख्यमंत्री एकनाथ शिंदे यांच्या शिवसेनेत मात्र मोठ्या प्रमाणात इनकमिंग सुरू आहे.

निवडणूकीच्या पार्श्वभूमिवर उद्धव ठाकरे यांना पुन्हा एक धक्का बसला असून शिवसेना (उद्धव बाळासाहेब ठाकरे) गटाचे माजी नगरसेवक उपेंद्र सावंत यांनी मुख्यमंत्री एकनाथ शिंदे यांच्या उपस्थितीत शिवसेनेत प्रवेश केला. सावंत हे मुंबईतील विक्रोळी कन्नमवार नगर भागातील माजी नगरसेवक असून ते संजय राऊत आणि त्यांचा भाऊ सुनील राऊत यांच्या जवळचे मानले जातात.