हजारो मशालींनी उजळून निघाला किल्ले प्रतापगड! भवानी मातेच्या मंदिराला 360 वर्षे पूर्ण

हजारो मशालींनी उजळून निघाला किल्ले प्रतापगड! भवानी मातेच्या मंदिराला 360 वर्षे पूर्ण

पोलादपूर : छत्रपती शिवाजी महाराजांच्या देदीप्यमान पराक्रमाचा साक्षीदार असलेला किल्ले प्रतापगड मशालींनी उजळून निघाला आहे. प्रतापगडावर असलेल्या मातेच्या मंदिराला 360 वर्षे पूर्ण झाल्याच्या निमित्ताने मशाल महोत्सव पोलादपूर येथील नागरिकांनी आयोजित केला.

नवरात्रोत्सवात चतुर्थीला राज्यभरातून हजारो शिवभक्त प्रतापगडावर हजेरी लावून या मशाल महोत्सवाचा आनंद घेत असत. परंतु, यावर्षी कोरोनाच्या पार्श्वभूमीवर मशाल महोत्सव साजरा करायचा की नाही? असा प्रश्न त्यांना पडला होता. तरी काही मोजक्‍याच शिवभक्तांच्या उपस्थितीत मशाल महोत्सव कोरोनाची भीती न बाळगता, सोशल डिस्टन्सिंगचे पालन करून धुक्‍याच्या काळोखात पार पडला. 
उपस्थित शिवभक्तांनी सरकारच्या सर्व नियमांचे पालन करून हा उत्सव साजरा केला. आपल्या महाराष्ट्रासह संपूर्ण देशावर उद्‌भवलेले कोरोनाचे संकट दूर करण्यासाठी; तसेच पुढच्या वर्षी हा मशाल महोत्सव उत्तम प्रकारे पार पडण्यासाठी भवानी मातेच्या चरणी प्रार्थना केली. 

शिवकाळ अवतरला 
भवानीमातेची विधिवत पूजा व गोंधळ झाल्यानंतर "जय भवानी, जय शिवाजी', "छत्रपती शिवाजी महाराज की जय'चा जयघोष करून मशाली प्रज्वलित करण्यात आल्या. त्यानंतर तुतारीचा नाद करत गड दणाणून निघाला. प्रतापगड किल्ल्याच्या चहुबाजूंनी विद्युत रोषणाई करण्यात आली आहे. भवानी माता मंदिरापासून बुरुजापर्यंत लावण्यात आलेल्या मशालांमुळे गड उजळून निघाला. या नयनरम्य नजाऱ्यामुळे जणू शिवकाळच अवतरला असल्याचा भास होत होता. 

------------------------------------------------------

( संपादन - तुषार सोनवणे )

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com