अरे बापरे..! वसईत चार वर्षांच्या मुलाचा तलावात बुडून मृत्यू...

मुंबई : तीन दिवसांपूर्वीच मालाड येथील मार्वे समुद्रात दोन मुले बुडाल्याची घटना ताजी असतानाच त्यानंतर आता वसईतील तलावामध्ये मंगळवारी दुपारी साडेचार वर्षांचा मुलगा बुडाल्याची घटना घडली. डावीक मितीना असे मृत मुलाचं नाव आहे. 

PPE किटमध्ये आरोग्य कर्मचाऱ्याचं धूम्रपान? फोटो काढणाऱ्या व्यक्तीवर हल्ला

शेजाऱ्यांनी सांगितले की, मुलाच्या घराजवळ असलेल्या शेतात एक लहान तलाव आहे. तो त्या तलावाजवळ खेळत होता. जेव्हा मुलगा घरी परतला नाही, तेव्हा त्याची आई त्याला शोधण्यासाठी गेली. शोध घेत असताना त्याची आई तलावाजवळ आली आणि तेव्हा तिला तिच्या मुलाचा मृतदेह तलावामध्ये तरंगताना दिसला.

रुग्णवाहिकेशी केला संपर्क, मागितले अवाच्या सव्वा पैसे, शेवटी ओढवली 'ही' वेळ; मुख्यमंत्रीसाहेब पाहताय ना ?

त्याच्या शेजारी राहणारा साहिल डगळे यांनी सांगितलं की, त्याची आई मुलाचा मृतदेह आपल्या हातातून घेऊन जात होती. तो काही हालचाल करत नव्हता आणि त्याचे कपडेही भिजले होते. आम्ही त्याला तातडीने रुग्णालयात दाखल केले पण डॉक्टरांनी त्याल मृत घोषित केलं. मात्र तोपर्यंत पोलिस पोहोचलेले नव्हते. 

आता फक्त अर्धा तासात होणार कोरोनाची चाचणी! बृहन्मुंबई महापालिकेने घेतला मोठा निर्णय

वसई विरार शहर महानगरपालिकेत (VVCMC)ड्रायव्हर म्हणून काम करणारे मुलाचे वडील कमलेश यांना याबाबतची काहीच कल्पना नव्हती. जेव्हा त्यांना आपल्या मुलाच्या मृत्यूची बातमी समजली त्यांना धक्काच बसला. मुलाचा मृतदेह शवविच्छेदनासाठी नवघर प्राथमिक आरोग्य केंद्रात पाठविण्यात आला आहे.

कोरोनात आकस्मिक मृत्यू टाळण्यासाठी डॉक्टरांकडून वापरला जातोय 'हा' महत्त्वाचा पर्याय...

मार्वे चौपाटीवर दोन मुले बुडाली
तीन दिवसांपूर्वीच मालाड येथील मार्वे समुद्रात दोन मुले बुडाली. यातील एका मुलाचे वय 16 असून दुसऱ्याचे वय 13 आहे. ही दोन्ही मुले मालाडच्या मालवणी परिसरात राहणारी होती.