मुंबई : ऐन सणासुदीत मीरा भाईंदरमध्ये एक अत्यंत धक्कादाययक घटना घडलीये. मीरा भाईंदर महानगर पालिकेच्या शौचाल्याच्या टाकीत पडल्याने एका अवघ्या ४ वर्षीय लहान मुलीचा मृत्यू झालाय. अफिफा मुस्तफा अली अन्सारी असं या चार वर्षीय मुलीचे नाव आहे.
महत्त्वाची बातमी : रुग्णांचा आकडा आटोक्यात, ठाण्यात सहा कोविड सेंटरसह क्वॉरन्टांईन सेंटरही बंद
सदर घटना मीरा भाईंदरच्या काशीमिरा उड्डाणपुलाच्या खाली घडली आहे. या भागात महानगरपालिका सुशोभीकरणाचे काम करत आहे. यावेळी कामादरम्यान शौचालयाच्या टाकीचे झाकण उघडे ठेवण्यात आलं होतं. दरम्यान खेळता खेळता अफिफा मुस्तफा अली अन्सारी ही चार वर्षीय चिमुकली शौचालयाच्या टाकीजवळ गेली आणि तिचा तोल जाऊन ती टाकीत पडली. या धक्कादायक अपघातात अफिफा मुस्तफा अली अन्सारीचा मृत्यू झालाय.
सदर भीषण घटनेनंतर महानगर पालिका अधिकाऱ्यांवर सदोष मनुष्यवधाचा गुन्हा दाखल करण्याची मागणी अफिफा मुस्तफा अली अन्सारीच्या पालकांनी केली आहे. अपघातानंतर मीरा भाईंदरमधील काशिमीरा पोलिसांनी अफीफाचा मृतदेह ताब्यात घेऊन त्याला शवविच्छेदनसाठी पाठवण्यात आले आहे.आता या प्रकरणी पोलिसांकडून याप्रकरणाचा पुढील तपास करत आहे.
पोलिसांकडून मिळालेल्या माहितीनुसार अफिफा आणि तिचं कुटुंब मुंबईतील मालाड भागात राहणारं. सणांच्या निमित्ताने हे कुटुंब मिरा भाईंदरमधील नातेवाईकांकडे आलं होतं. दरम्यान मिरा भाईंदरमध्ये सदर दुर्दैवी घटना घडली असून अन्सारी परिवारावर शोककळा पसरली आहे.
four years old afifa fell into drainage tank and lost life at mira bhaindar
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.