येमेन, सौदी युद्धातील सैनिक मुंबईत येऊन घायाळ; दोघांना पुण्यातून अटक

येमेन, सौदी युद्धातील सैनिक मुंबईत येऊन घायाळ; दोघांना पुण्यातून अटक
येमेन, सौदी युद्धातील सैनिक मुंबईत येऊन घायाळ; दोघांना पुण्यातून अटक

अंधेरी : येमेन देशातून उपचारासाठी आलेल्या विदेशी सैनिकाला मोफत उपचार देण्याच्या बहाण्याने दोघा विदेशी भामट्यांनी दोन लाख पाच हजार रुपयांचा गंडा घतला होता. या प्रकरणी पवई पोलिसांनी दोघा जणांना पुण्यातून ताब्यात घेतले आहे.

फहाद रिझवान अब्दुला आलमक्तरी (वय 33 रा. येमेन) आणि अली अब्दुलगनी अलगूजी(24 रा. येमेन) अशी अटक केलेल्या आरोपींची नावे आहेत.  फिर्यादी मोहम्मद गुरबान सलेह गुरबान (26) हा येमेन देशाचा सैनिक आहे. येमेन आणि सौदी देशातील अंतर्गत युद्धात जखमी झाल्याने त्यांना उपचारासाठी भारतात पाठविण्यात आले होते. दरम्यान त्यांना दोन्ही आरोपींची गाठून भांडुपच्या फोर्टीज रुग्णालयापेक्षा नवी मुंबईतील रुग्णालयात मोफत उपचार करण्याचे अमिष दाखविले. 

आरोपीमधील एका आरोपीने येमेन दुतावासाचे दिल्ली कमिटीचे सदस्य असल्याची बतावणी करून उपचाराचा खर्च हा येमेन देशाकडून परस्पर घेण्यात येईल असे अमिष दाखवत दोघा आरोपींनी त्यांचे पासपोर्ट ताब्यात घेतले. त्यानंतर त्यांच्या खात्यावरून तब्बल दोन लाख पाच हजार रुपये ट्रान्सफर केले. आपली फसवणूक झाल्याचे समजताच फिर्यादी गुरबान याने पवई पोलीस ठाण्यात आरोपी फहाद रिझवान अब्दुला आलमक्तरी आणि अली अब्दुलगनी अलगूजी यांच्या विरोधात फसवणुकीची फिर्याद दिली.

चोवीस तासांत आरोपीं ताब्यात
गुन्हा दाखल होताच पोलिसांनी तांत्रिक तपासद्वारे 24 तासात आरोपीना पुण्यातून अटक केली. त्यांना आज न्यायालयात हजर केले असता एक जुलै पर्यंत पोलिस कोठडीत ठेवण्याचे आदेश न्यायालयाने दिले आहेत. पोलिसांनी आरोपींच्या अधिक चौकशीत फिर्यादी गुरबान सह पाच जणांचे पासपोर्ट हस्तगत केले आहेत. अधिक तपस पवई पोलिस करीत आहेत.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com