बेस्ट सुधार समितीच्या अध्यक्षपदी गजानन परब आणि बेस्ट समिती अध्यक्षपदी प्रविण शिंदे यांचा विजय

मुंबई, ता.6 : बृहन्मुंबई महापालिकेतील विरोधी पक्ष नेते रवी राजा यांनी बेस्ट समिती अध्यक्ष पदाचा आणि कॉग्रेसचे जावेद जुनेजा यांनी सुधार समिती अध्यक्ष पदाचा उमेदवारी अर्ज मागे घेतल्याने शिवसेनेचा विजय सोप्पा झाला. त्यामुळे बेस्ट सुधार समितीच्या अध्यक्षपदी गजानन परब आणि बेस्ट समिती अध्यक्षपदी प्रविण शिंदे यांचा विजय झाला.

महत्त्वाची बातमी : सुशांत सिंह राजपूत मृत्यू प्रकरण : पोलिसांची बदनामी केल्याप्रकरणी दोन गुन्हे दाखल

कॉग्रेसने समित्यांच्या निवडणुका लढवण्याची घोषणा करुन रंगत आणली होती. मात्र, काही प्रभाग समित्या आणि म्हाडाचे दुरुस्त मंडळ पदरात पाडून कॉग्रेसने निवडणुकीतूूून माघार घेतली. बेस्ट समितीच्या अध्यक्षपदासाठी विरोधी पक्षनेते रवी राजा यांनी अर्ज भरला होता. मात्र, त्यांनी स्वतःही अर्ज मागे घेतला. शिवसेनेचे प्रविण शिंदेे यांना 8 आणि भाजपचे प्रकाश गंगाधरे यांना 5 मतं मिळाली. 

महत्त्वाची बातमी :  'बाळंतपणाआधीच बारसे करू नका, तिघाडी सर्कशीतील जोकर होऊ नका'; अनिल देशमुख यांना भाजपकडून शालजोडीतले

सुधार समितीच्या अध्यक्षपदी शिवेसेनेचे गजानन परब आणि भाजपचे विनोद मिश्रा यांच्यात लढत झाली. परब यांना 13 आणि मिश्रा यांना 9 मतं मिळाली.कॉग्रेसने घेतलेल्या माघारीवरुन भाजपने पुन्हा एकदा शिवसेना पुरस्कृत विरोधी पक्ष म्हणून खिजवले आहे.

महत्त्वाची बातमी : वैद्यकीय चाचण्यांवरील सरकारी दरपत्रकाला हायकोर्टात आव्हान

( संपादन - सुमित बागुल )

Gajanan Parab elected as Chairman of the Best Reforms Committee and Pravin Shinde as the Chairman of the Best Committee