Mumbai Crime : दांडिया कार्यक्रमाच्या बनावट पासांची विक्री करणारी टोळी पोलिसांकडून अटकेत

मुंबई - नवरात्र उत्सवाच्या निमित्ताने मुंबईत भाजप आमदार यांनी आयोजित गरब्याच्या बनावट प्रवेशिकांची विक्री करून फसवणूक करणाऱ्या चौघांना 12 तासात पोलीसानी अटक केली आहे. या प्रकरणी आरोपीचे 2 दोन पसार साथीदारांचा असून त्यांचा पोलिसांकडून शोध सुरू आहे.

करण शाह, दर्शन गोहिल, परेश नेवरेकर तसेच कवीश पाटील अशी अटक आरोपीची नाव असून मुख्य आरोपी करण हा वेब डिझायनर आहे. वेब सिरीज पाहून गुन्हा करण्याची युक्ती सुचल्याचे आरोपीने चौकशीत सांगितले आहे.

बनावट प्रवेशिका

नवरात्र उत्सव समिती बोरिवली आणि स्थानिक आमदार सुनील राणे यांच्यातर्फे बोरिवलीतील दांडिया नाईट्स कार्यक्रमाचे आयोजन 15 ऑक्टोबर पासून करण्यात आले. त्याच्या प्रवेशिकांची विक्री बोरिवलीतील कच्छी मैदान या ठिकाणावर तसेच ऑनलाईन संकेतस्थळाद्वारे करण्यात येत आहे.

कार्यक्रमास आलेल्या काही तरुणांनी त्यांना मिळालेल्या प्रवेशिका बनावट असल्याची तक्रार आयोजक नीरव मेहता यांच्याकडे केली. आयोजक निरव मेहतांचा मित्र करण शहा याने दर्शन गोहिल नावाच्या व्यक्तीकडून घेऊन प्रत्येकी 3000 रुपये याप्रमाणे 10 प्रवेशिका विकल्याचे उघड झाले.

पोलीस तपास

त्यानुसार बोरिवलीतील एमएचबी कॉलनी पोलिसांत आयोजकांनी तक्रार दाखल केली. गुन्हा नोंद करत पोलिसांनी तपास सुरू केला. पोलीस पथकाने त्याप्रमाणे आरोपीचे लोकेशन ट्रेस करून चौघा आरोपींना अटक केली. विरार, कांदिवली, मालाड मधून मोबाईल लोकेशनच्या मदतीने त्यांनपोलिसांनी शोधून काढले.

आरोपीकडून पोलिसांनी 30 लाख रुपयांच्या बनावट प्रवेशिका, होलोग्राम स्टिकर, लॅपटॉप, प्रिंटर व इतर साधन सामुग्री मिळून 35 लाखांचा मुद्देमाल हस्तगत केला आहे. या गुन्ह्यातील मुख्य आरोपी करण शहा हा ग्राफिक डिझायनर चौकशीत उघड झाले आहे. याबाबत पोलीस अधिक तपास करत आहेत.