कुर्ला: Video चॅटवर गर्लफ्रेंड लग्नाला नाही बोलली, तरूणाने उचललं टोकाचं पाऊल

मुंबई : प्रेयसीने (girlfriend) व्हिडीओ चॅट्वर (video chat) लग्नाच्या मागणीला नकार (Marriage rejection) दिल्याने कॉलेजमध्ये शिकणाऱ्या एका १९ वर्षीय तरुणाने गळफास घेवून आत्महत्या (boy suicide) केली. ही धक्कादायक घटना कुर्ला (Kurla) येथे घडलीय. या तरुणाने भारतीय नगरमध्ये राहत्या घरी बेल्टच्या सहाय्याने गळफास लावून स्वत:चं जीवन संपवलं. रविवारी वि.बी.नगर पोलिसांनी ही माहिती दिली. इंडियाने टुडेने हे वृत्त दिलं आहे. (girlfriend-video chat-Marriage rejection-boy suicide-kurla-nss91)

तरुणाच्या आईने त्याला फोन केला. पण त्याने फोन उचलला नाही. त्याने कोणताही प्रतिसाद दिला नाही. त्यानंतर तरुणाच्या आईने शेजाऱ्यांना याबाबत कळवले. शेजाऱ्यांनी घरात पाहिल्यानंतर त्यांना तरुणाचा मृतदेह दिसला. कॅालेजमधल्या एका मुलीसोबत त्याचे व्हिडीओ चॅट सुरु होते. लग्नाला नकार दिल्याने मी स्वत:ला संपवत आहे असे त्याने व्हिडीओच्या माध्यामातून तरुणीला सांगितले. तपासातातून ही माहिती समोर आली आहे. याप्रकरणी अकस्मात मृत्यूची नोंद करण्यात आली असून पुढील तपास सुरु आहे.