ठाण्यात 'या' ठिकाणी विलगीकरण कक्ष उभारा..मनसेची ठाणे महापालिकेकडे मागणी

मुंबई: मुंबईप्रमाणेच ठाणे शहरातही कोरोनाच्या रुग्णांचा आकडा दिवसेंदिवस वाढतच चाललं आहे. ठाणे शहरातल्या बहुतांश भागांमध्ये कोरोनाचे रुग्ण आहेत. मात्र आता या वाढणाऱ्या रुग्णांसाठी जागा नसल्यामुळे अधिक विलगीकरण कक्षांची मागणी करण्यात आली आहे. 

ठाण्यात दिवसेंदिवस वाढणाऱ्या रुग्णांमुळे रुग्णांना ठेवण्यासाठी रुग्णालये व विलगीकरण कक्ष देखील अपुरे पडत आहे.  कोपरी-पाचपाखाडी आणि वागळे परिसरातील रुग्णांच्या सोईसाठी आता मनसेनं अतिरिक्त जागेची मागणी केली आहे.

काय सांगता! ऑनलाईन मिळतोय प्लाज्मा? जाणून घ्या यामागचं सत्य.. 

रेमंड कंपनीची जागा आणि सिघांनिया शाळेची जागा विलगीकरणासाठी उपलब्ध करावी अशी मागणी मनसेच्या कोपरी-पाचपखाडी विधानसभा क्षेत्राचे विभाग अध्यक्ष महेश कदम यांनी ठाणे महापालिकेकडे केली आहे.

मनसेने दिलेल्या निवेदनानुसार, पालिकेच्या शहर विकास विभागाने रेमंड कंपनीच्या विकासकाला या आधी मोठया प्रमाणात महसूल बुडवायला हातभार लावला आहे. मग कोरोना काळात सदर कंपनीची जागा मोठ्या प्रमाणात मोकळी आहे. तसंच  सिघांनिया शाळेची जागा देखील वापरली जाऊ शकते. 

दरम्यान ही जागा ही कॅडबरी कंपनीजवळ असल्याने कोपरी-पाचपखाडी व वागळे भागामधील नागरिकांना इथे क्वारंटाइन करणे सुलभ होणार असल्याचेही या निवेदनात म्हटले आहे.

हेही वाचा: मुंबईकरांना आता नोकरीची सुवर्णसंधी; जाणून घ्या अधिक माहिती

त्यामुळे आता ठाणे महापालिका या निवेदनाचा विचार करून रिमांड कंपनीच्या जागेवर आणि सिंघानिया शाळेच्या जागेवर विलगीकरण कक्षाला परवानगी देते का हे बघणं महत्वाचं असणार आहे.  

give more places for quarantine people in Thane MNS seeks to thane TMC read full story