तुम्हाला सारखे बिनकामाचे मेसेज येतायत. कोणता मेसेज खरा कोणता मेसेज खोटा हे समजत नाही ? आता चिंता नाही. कारण गुगल तुम्हाला आता याबाबत अलर्ट करणार आहे. गुगल एक भन्नाट अपडेट लवकरच घेऊन येणार आहे. त्यामुळे तुमची चिंता कमी होणार आहे.
गुगल आपल्या मेसेंजर म्हणजेच गुगल मेसेज (Google Android Messages) साठी लवकरच एक मोठं फिचर सुरु करणार आहे. असं मानलं जातंय आतापर्यंतचं हे सर्वात मोठं आणि महत्त्वाचं फिचर असणार आहे. नवीन फिचर नंतर गुगल मेसेजमध्ये व्हेरीफाईड मेसेज आणि स्पॅम प्रोटेक्शन मिळणार आहे. गुगल मेसेज जवळ जवळ सर्व Android फोनमध्ये आधीपासूनच उपलब्ध आहे.
महत्त्वाची बातमी : मुंबई पोलिसांना सतावतोय 'याचा' धोका, पोलिेसांबाबतची धक्कादायक बाब उघड
आता नवीन अपडेट नंतर तुम्हाला कोणताही मेसेज आला तर तो व्हेरीफाईड नंबरवरून आलेला असेल. यावरून तुम्हाला कोणता मेसेज खरा आणि कोणता खोटा हे चटकन समजणार आहे. जर तुम्हाला कोणता बँकेचा मेसेज आला तर तो व्हेरीफाईड असेल. त्या सोबत त्या बँकेचा फोटो आणि व्हेरिफिकेशन टिक देखील असणार आहे.
गुगल मेसेजमध्ये व्हेरीफाईड SMS चं फिचर सर्वात आधी भारत, अमेरिका, मेक्सिको, ब्राझील, ब्रिटन, फिलिपिन्स, स्पेन आणि कॅनडामध्ये लॉन्च करण्यात येणार आहे. मात्र गुगल हे फिचर कधी लॉन्च करणार हे मात्र अद्याप समजू शकलेलं नाही.
महत्त्वाची बातमी : आधी तिला सॅनिटायझर पाजलं; नंतर टाॅयलेटमध्ये नेऊन केलं..
व्हेरीफाईड मेसेज व्यतिरिक्त, गुगल मेसेजमध्ये 'स्पॅम प्रोटेक्शन'चं हे देखील मोठं फिचर उपलब्ध होणार आहे. या अपडेट नंतर तुमच्या मोबाईलमध्ये कोणताही स्पॅम मेसेज आला तर तुम्हाला अलर्ट मिळणार आहे. उदाहरणार्थ स्पॅम मेसेज आल्यावर गुगल तुम्हाला Report Spam किंवा Report Not Spam असा विकल्प देणार आहे.
WebTitle : google to update their google message app with verification and spam protection
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.