मोठी बातमी :  घरकाम करणाऱ्यांना सोसायटीत प्रवेश द्या; खुद्द सरकारनेच केली सूचना...

मुंबई : घरकाम करणाऱ्यांना सोसायटीत प्रवेश देण्यावरुन वाद सुरु असताना आता त्यासंदर्भात राज्य सरकारनेच पुढाकार घेतला आहे. सोसायटीत घरकाम करणाऱ्यांनाच नव्हे तर दूध, भाजी विक्रेत्यांसह वर्तमान पत्र विक्रेत्यांना प्रवेश देण्याची सूचना केली आहे. 

मोठी बातमी - २६/११ मुंबई दहशतवादी हल्ल्याचा मास्टरमाइंड तहव्वूर हुसैन राणा याला अमेरिकेत अटक...​

घरकाम करणाऱ्यांनासह काम करणाऱ्यांना प्रवेश नाकारणाऱ्या सोसायटी तसेच बिल्डींगवर कारवाई करण्याचा इशारा राज्य सरकारने दिला आहे. त्याचबरोबर कोरोना झालेल्यांना तसेच त्यातून बरे होत असलेल्यांना वेगळे वागवल्यास कारवाई करण्याचा इशाराही देण्यात आला आहे. मुंबई तसेच पुण्यातील अनेक सोसायटी कोरोना रुग्णांबाबत सरकारचे नियम डावलून आपले नियम अमलात आणल्याबद्दल सरकारने नाराजी व्यक्त केली आहे. 

मोठी बातमी - मातेच्या गर्भातच बाळांना कोरोनाची लागण, मुंबईत जन्मताच तीन बालके कोरोना पॉझिटिव्ह​

बुजुर्गांकडे अनेक घरकाम करणारे असतात. मात्र सोसायटीचे पदाधिकारी आपली खास नियमावली तयार करुन घरकाम करणाऱ्यांना प्रतिबंध करतात. त्यामुळे अनेकांना त्रास होतो. काही सोसायटींनी ड्रायव्हर, फेरिवाले, इलेक्ट्रिशियन, प्लम्बर्सना प्रवेश दिला आहे, पण घरकाम करणाऱ्यांना प्रवेश नाकारला जात आहे. राज्य सरकारने या महिन्याच्या सुरुवातीस घरकाम करणाऱ्यांना प्रवेश देण्याचा आदेश दिला आहे. 

कोरोनामुळे धारावी झाली 'बदनाम वस्ती', आता इथल्या नागरिकांना सहन करावा लायतोय 'हा' त्रास...

पुणे तसेच कल्याण डोंबिवली महापालिकेने घरकाम करणाऱ्यांना कोरोना झाल्यास चौदा दिवसांची भरपगारी रजा देण्याची सूचना केली आहे. मात्र मुंबई महापालिकेने याबाबत कोणताही निर्णय घेतलेला नाही.