Mumbai News : लाईव्ह ऑर्केस्ट्रा सुरू असतानाच अचानक झाला गोळीबार; मानपाडा पोलीस ठाणे हद्दीतील बारमध्ये घडली घटना
डोंबिवली - ऑर्केस्ट्रा बारमध्ये दारू पित असताना खुर्चीला धक्का लागल्याने दोन गटात वाद झाला आणि या वादातून एकाने थेट पिस्तुल काढून दुसऱ्या गटातील तरुणावर गोळी झाडली. मानपाडा पोलीस ठाण्याच्या हद्दीत एका लाईव्ह आर्केस्ट्रा बारमध्ये ही घटना रात्री 1.15 च्या सुमारास घडली आहे.
जखमी तरुणावर खासगी रुग्णालयात उपचार सुरू आहेत. मानपाडा पोलीस ठाण्याच्या हद्दीत बरेच लाईव्ह ऑर्केस्ट्रा बार असून अशा घटना घडू नयेत यासाठी पोलीस काय पावले उचलतात हे आता पहावे लागेल.
डोंबिवली मानपाडा परिसरात असलेल्या सेवन स्टार
लाईव्ह ऑर्केस्ट्रा बारमध्ये रात्रीच्या सुमारस अजय सिंग हा मित्रांसोबत दारू पीत होता. त्याच्याच बाजूचा टेबलवर विकास भंडारी हा देखील आपल्या मित्रासोबत दारू पीत बसला होता. पार्टी रंगात आली असताना खुर्चीला धक्का लागल्याने अजय सिंग व विकास भंडारी या दोघांमध्ये वाद सुरू झाला.
हा वाद इतका विकोपाला गेला की सिंग याने संतापाच्या भरात आपल्या जवळील पिस्तुलाने गोळी झाडली. सुदैवाने ही गोळी विकासाच्या खांद्याला लागली. या हल्ल्यात विकास बचावला असला तरी जखमी झाला आहे. जखमी तरुणाला उपचारासाठी रुग्णालयात दाखल करण्यात आले आहे.
घटना घडल्यानंतर अजय सिंग व त्याच्या मित्रांनी तेथून पळ काढला. घटनेची माहिती मिळताच मानपाडा पोलिसांनी घटनास्थळी धाव घेत डीसीपी सचिन गुंजाळ, एसीपी सुनील कुराडे यांच्या मार्गदर्शनाखाली वरिष्ठ पोलीस निरीक्षक अशोक होनमाने यांच्या पथकाने तपास सुरू केला.
मानपाडा पोलिसांच्या पथकाने अवघ्या तासाभरात पळून गेलेल्या पाच आरोपींचा पाठलाग करत त्यांना ताब्यात घेतले आहे. याप्रकरणी मानपाडा पोलीस ठाण्यात अजय सिंगसह पाच जणांविरोधात गुन्हा दाखल करण्यात आला असून पोलीस पुढील तपास करत आहेत.
दरम्यान आरोपीकडून पिस्तूल कुठून आली, ती पिस्तूल लायसन्सची आहे का? असे सवाल आता उपस्थिती केले जात आहेत. मानपाडा पोलीस हद्दीत बरेच लाईव्ह ऑर्केस्ट्रा बार आहेत,त्यामुळे अश्या घटना घडू नयेत यासाठी पोलिसांना विशेष लक्ष ठेवण्याची गरज आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.