आरोग्य व्यवस्था कोमात; वेंटीलेटर आणि डायलिसीस मशिनसह रुग्णवाहीका धुळ खात

समीर सुर्वे
Saturday, 28 November 2020

मुंबई महानगर पालिकेतील वैद्यकिय यंत्रणा कोविड काळातही वापरा विना पडून आहेत.

मुंबई, ता. 28 : मुंबई महानगरपालिकेतील वैद्यकिय यंत्रणा कोविड काळातही वापराविना पडून आहेत. केंद्र सरकारकडून आलेले 45 वेंटीलेटर धुळ खात पडले आहे. तर, 12 डायलिसीस मशीनसाठी पाणी शुध्द करणारे यंत्र नसल्याने त्या वापरता येत नव्हत्या. मात्र आता या मशिन्स देऊनही  मशिनची जोडणी करण्यासाठी महापालिकेला तज्ज्ञ मिळत नाही अशी अवस्था आहे. अशीच वाईट अवस्था पालिकेच्या सर्व वैद्यकिय सुविधांनी सज्ज असलेल्या आठरुग्णवाहिकांचा  रुग्णवाहीका बंद पडल्या आहेत.

महत्त्वाची बातमी : "महाराष्ट्राच्या इतिहासात इतके धमकावणारे मुख्यमंत्री आजवर पाहिले नव्हते"; सरकारवर फडणवीसांचा हल्लाबोल

पालिकेच्या आरोग्य समितीत वेंटीलेटर, डायलिसीस मशिन बाबत तसेच रुग्णवाहीकांबाबत चर्चा झाली. राष्ट्रवादी कॉंग्रेसच्या डॉ. सईदा खान यांनी कुर्ला भाभा रुग्णालयात पडून असलेल्या व्हेंटीलेटर मशिनचा मुद्दा उपस्थीत केला. केंद्र सरकारकडून मिळालेले 45 व्हेंटीलेटर भाभा रुग्णालयात पाठविण्यात आले आहेत. मात्र, त्यांचा वापरच होत नाही असा मुद्दा उपस्थीत केला. तर, 12 डायलिसीस मशिनही पालिकेने नव्याने विकत घेतल्या. मात्र, या मशिनसाठी शुध्द पाण्याचा पुरवठा करणारे आर. ओ मशिनच नव्हते. स्वत:च्या सामाजिक संस्थेमार्फत हे मशिन उपलब्ध करुन दिले. मात्र, आताही संपुर्ण यंत्रणा बसवणारे तज्ज्ञ कर्मचारी पालिकेकडे नाहीत असा आरोपही त्यांनी केला.

भाजपच्या बिना दोषी यांनी बंद असलेल्या रुग्णवाहीकांचा मुद्दा उपस्थीत केला. रुग्णांना एका रुग्णालयातून दुसऱ्या रुग्णालयात घेऊन जाण्यासाठी अद्यावत यंत्रणा या रुग्णवाहीकांमध्ये आहे. मात्र, ती वाहानेच काही महिन्यांपासून बंद आहेत असा आरोप दोषी यांनी केला.

महत्त्वाची बातमी : ED आणि CBI वर निशाणा साधणारं संजय राऊतांचं ठाकरी पद्धतीचं विशेष व्यंगात्मक ट्विट

कोविड काळात व्हेंटीलेटर, डायलिसीस मशिन तसेच रुग्णवाहीकांचा गंभिर तुटवडा निर्माण झाला होता. मात्र, जी उपकरणे उपलब्ध आहेत. त्यांचा वापर पालिका पुर्ण क्षमतेने करु शकत नाही असा आरोपही सदस्यांनी केला. याबाबतची पुर्ण माहिती आरोग्य समितीपुढे सादर करण्याचे निर्देश प्रविणा मोरजकर यांनी दिले.  

( संपादन - सुमित बागुल )

health system in critical state ventilators and other important machines are not used since many days


स्पष्ट, नेमक्या आणि विश्वासार्ह बातम्या वाचण्यासाठी 'सकाळ'चे मोबाईल अॅप डाऊनलोड करा
Web Title: health system in critical state ventilators and other important machines are not used since many days