ठाणे शहरात तब्बल 169 मिलीमीटर पावसाची नोंद, यंदा आतापर्यंत 3 हजार 56 मिमी पाऊस

ठाणे शहरात तब्बल 169 मिलीमीटर पावसाची नोंद, यंदा आतापर्यंत 3 हजार 56 मिमी पाऊस

ठाणे, ता. 23 : ठाणे शहरात काही दिवसांपासून पावसाची रिपरिप सुरू होती. मंगळवारी रात्रीपासून त्यामध्ये अचानक बदल झाला असून जोरदार पावसामुळे 24 तासांत तब्बल 169.18 मिलीमीटर पावसाची नोंद झाली. तर शहरातील सहा ठिकाणी पाणी साचले होते. मुंब्य्रात एका घराची भिंत कोसळल्याची घटना घडली. 

काही दिवसापासून शहरात दुपार आणि संध्याकाळच्या वेळी तुरळक स्वरूपात पडणा-या पावसाने मंगळवारी रात्रीपासून पुन्हा दमदार हजेरी लावली. रात्री 11.30 ते 12.30 या एका तासाच्या वेळेत 45.47 मिलीमीटर पावसाची नोंद झाली. तर 1 ते 2.30 वाजेर्पयत पुन्हा 41.15  पाऊस पडला. त्यानंतर 3.30 नंतर पावसाचा जोर काहीसा कमी झाल्याचे दिसून आले.

बुधवारी सकाळी 8.30 पर्यंत 169.18 मिलीमीटर पावसाची नोंद झाली आहे. ठाणे शहरात यंदा आतापर्यंत 3 हजार 56 मिलीमीटर पाऊस झाला आहे. गेल्या वर्षी याच कालावधीत 4 हजार 319 मिलीमीटर पाऊस झाला होता. 

पावसामुळे कळवा रेल्वे स्थानकाजवळील सत्यम शिवम सुदंरम इमारतीच्या परिसरात पाणी साचले होते. तर, चिखलवाडी, नौपाडा, राजहंस सोसायटी कळवा, जगदाळे वाडी कोपरी, सिध्दार्थ नगर कोपरी, गणपती मंदिर कोळीवाडा आदी भागात पाणी साचल्याच्या घटना घडल्या. येथील अनेकांच्या घरात पाणी शिरले होते. मुंब्य्रात एका घराची भिंत कोसळल्याची घटना घडली. यामध्ये  कोणत्याही प्रकारची जिवीतहानी झाली नसल्याची माहिती ठाणे महापालिकेच्या आपत्ती कक्षाच्या वतीने देण्यात आली.

( संपादन  - सुमित बागुल )

heavy rainfall in mumbai and thane city registered 169 mm rainfall

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com