हिंगणघाटातील पीडितेच्या मृत्यूनंतर अजित पवार 'शिक्षेबद्दल' म्हणालेत..

सकाळ वृत्तसेवा
सोमवार, 10 फेब्रुवारी 2020

मुंबई - आज सकाळीच महाराष्ट्राला सुन्न करणारी बातमी समोर आली. हिंगणघाटमधील निर्भया अखेर जीवन मरणाच्या झुंजीत अपयशी ठरलीये. सात दिवसांच्या लढ्यानंतर हिंगणघाटमधील पीडितेने आपले प्राण सोडलेत. हिंगणघाट जळीतकांडातील तरुणीच्या मृत्यूनंतर आता राज्यभरातून अत्यंत संतप्त प्रतिक्रिया येताना पाहायला मिळतायत. 3 फेब्रुवारीरोजी नेहमीप्रमाणे ती आपल्या कॉलेजमध्ये शिकवायला जात होती. तेंव्हा आरोपी विक्की नगराळेने तिचा पाठलाग करत, अत्यंत थंड डोक्याने सकाळी सव्वा सात वाजताच्या सुमारास तिच्या अंगावर पेट्रोल टाकून पेटवून दिलं. 

मुंबई - आज सकाळीच महाराष्ट्राला सुन्न करणारी बातमी समोर आली. हिंगणघाटमधील निर्भया अखेर जीवन मरणाच्या झुंजीत अपयशी ठरलीये. सात दिवसांच्या लढ्यानंतर हिंगणघाटमधील पीडितेने आपले प्राण सोडलेत. हिंगणघाट जळीतकांडातील तरुणीच्या मृत्यूनंतर आता राज्यभरातून अत्यंत संतप्त प्रतिक्रिया येताना पाहायला मिळतायत. 3 फेब्रुवारीरोजी नेहमीप्रमाणे ती आपल्या कॉलेजमध्ये शिकवायला जात होती. तेंव्हा आरोपी विक्की नगराळेने तिचा पाठलाग करत, अत्यंत थंड डोक्याने सकाळी सव्वा सात वाजताच्या सुमारास तिच्या अंगावर पेट्रोल टाकून पेटवून दिलं. 

मोठी बातमी - गणेश नाईकांना मोठा धक्का; कट्टर समर्थक सोडतायेत साथ...

हिंगणघाटातील निर्भयाच्या मृत्यूनंतर आता राज्यभरातून संतप्त प्रतिक्रिया येतायत. यावर महाराष्ट्राचे उपमुख्यमंत्री अजित पवार यांनी देखील प्रतिक्रिया दिली आहे.

"हिंगणघातली निर्भयाला आपण वाचवू शकलो नाही ही महाराष्ट्राच्या मातीसाठी अत्यंत लाजिरवाणी घटना आहे. येत्या काळात महाराष्ट्रातील सरकार अशा घटनांकडे अधिक संवेदनशीलपणे आणि गुन्हेगारांसोबत अधिक कठोरपणे वागेल तशी भूमिका घेताना पाहायला मिळेल. येत्या काळात आरोपीला जी शिक्षा मिळेल ती इतरांवर जरब बसवणारी असेल. मी तिच्या कुटुंबियांच्या आणि हिंगणघाट मधील नागरिकांच्या दुःखात सहभागी आहे. पुन्हा अशा प्रकारचे नाराधान निर्माण होऊ न देणं हीच हिंगणघाट मधील मृत बहिणीला आपली आदरांजली असेल", असं महाराष्ट्राचे उपमुख्यमंत्री अजित पवार म्हणालेत.  

मोठी बातमी -  दाऊदचा विश्वासू आणि कुख्यात गुंड तारीक परवीनला अटक!

पीडित शिक्षिकेवर नागपूरच्या ऑरेंज सिटी इस्पितळात उपचार सुरु होते. तिला कृत्रिम श्वसनयंत्रणा म्हणजेच व्हेंटिलेटरवर ठेवण्यात आलेलं. डॉक्टरांकडून तिला औषधं देऊन हृदयाचे ठोके आणि ब्लड प्रेशर वाढवण्याचा प्रयत्न केला जात होता, असं ऑरेंज सिटीमधील डॉक्टरांनी सांगितलं. मात्र, उपचारादरम्यान आज सकाळी हृदयविकाराच्या झटक्याने २४ वर्षीय पीडित शिक्षिकेचा दुर्दैवी मृत्यू झालाय. तिनं आज सकाळी ६.५५ मिनिटांनी नागपूरच्या ऑरेंज सिटी इस्पितळात अखेरचा श्वास घेतला.

मोठी बातमी -  राज ठाकरेंचे 9 अंकाच्या मदतीने नवनिर्माण ! मोर्च्यातही 9 अंकाचा बोलबाला

पीडितेच्या दुर्दैवी मृत्यू झाल्याने आरोपी विक्की नगराळे याला फाशीशी शिक्षा व्हावी अशी सर्वच स्तरातून मागणी केली जातेय.   

hinganghat nirbhala lost her fight with life reaction of dcm ajit pawar on this matter


स्पष्ट, नेमक्या आणि विश्वासार्ह बातम्या वाचण्यासाठी 'सकाळ'चे मोबाईल अॅप डाऊनलोड करा
Web Title: hinganghat nirbhala lost her fight with life reaction of dcm ajit pawar on this matter