...तासनतास प्रवास करून त्यांना यावं लागतंय कामावर!

... तासनतास प्रवास करून त्यांना यावं लागतंय कामावर!
... तासनतास प्रवास करून त्यांना यावं लागतंय कामावर!

मुंबई : राहण्याचे ठिकाण विरार, नालासोपारा, वांगणी किंवा कसारा आणि कामाचे ठिकाण मुंबईतील कस्तुरबा, केईएम किंवा शताब्दी ही रुग्णालये. त्यामुळे मुंबई महापालिकेचे अनेक कर्मचारी दररोज 5 ते 6 तासांचा प्रवास करून कोरोनाबाधितांच्या सेवेसाठी येतात. महापालिकेने डॉक्‍टर व परिचारिकांच्या राहण्याची व्यवस्था केली आहे; मग आमच्यावरच अन्याय का, असा सवाल हे कर्मचारी करत आहेत. 

मुंबई महापालिकेने कस्तुरबा, शताब्दी, केईएम, नायर, सायन व इतर रुग्णालयांत विलगीकरण केंद्रे सुरू केली आहेत. तेथील डॉक्‍टर आणि परिचारिकांसाठी "सेफ्टी किट' व राहण्याची व्यवस्था केली आहे. याच रुग्णालयांतील चतुर्थ श्रेणी कामगारांना मात्र "सेफ्टी किट' देण्यात आलेले नाही. या रुग्णालयांतील अनेक कामगार-कर्मचारी वसई, विरार, नालासोपारा, शहापूर आदी ठिकाणी राहतात. महापालिकेने कर्मचाऱ्यांसाठी ठराविक ठिकाणांहून बसची व्यवस्था केली असली, तरी त्यांना घरातून तेथे पोहोचण्यासाठी धावपळ करावी लागते. मुंबईत आल्यानंतर रुग्णालयांत जाण्यासाठी या कर्मचाऱ्यांना दुसरी बस पकडावी लागते. त्यामुळे त्यांना दररोज पाच ते सहा तासांचा प्रवास करावा लागतो. काम करून थकलेल्या कर्मचाऱ्यांना नाईलाजाने घरी जावे लागते. आमच्यामुळे कुटुंबीयांनाही संसर्ग होण्याचा धोका निर्माण झाल्याचे ते सांगतात. त्यामुळे डॉक्‍टर आणि परिचारिकांप्रमाणे आमचीही रुग्णालयांजवळ राहण्याची व्यवस्था करावी, अशी मागणी हे कर्मचारी करत आहेत. 

कर्मचाऱ्यांना आलटून-पालटून कामावर बोलावले जाते. कर्मचाऱ्यांची राहण्याची व्यवस्था करण्यात आली आहे. काही कर्मचारी स्वतःहून व्यवस्था केलेल्या ठिकाणी न राहता आपल्या घरी जाणे पसंत करतात. 
- डॉ. तात्याराव लहाने, उपसंचालक, वैद्यकीय शिक्षण व संशोधन महासंचालनालय. 

अनेक कर्मचारी मुंबई महापालिका क्षेत्राबाहेर राहतात. त्यामुळे प्रवासात त्यांचे अनेक तास वाया जातात. त्याचप्रमाणे त्यांच्या आरोग्यावरही अनिष्ट परिणाम होतो. म्हणून प्रशासनाने त्यांची रुग्णालयाजवळच राहण्याची व्यवस्था करावी. 
- रमेश जाधव, अध्यक्ष, रिपब्लिकन कामगार सेना.  

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com