मुंबई : "द इन्स्टिट्यूट ऑफ चार्टर्ड अकाउंटन्ट्स ऑफ इंडिया'मार्फत घेण्यात आलेल्या चार्टर्ड अकाउंटन्ट्सच्या अंतिम परीक्षेचा निकाल गुरुवारी (ता.16) जाहीर झाला. देशभरातून 15 हजार 3 विद्यार्थ्यांनी ही परीक्षा दिली होती. त्यापैकी 2 हजार 268 विद्यार्थी उत्तीर्ण झाले असून निकालाची टक्केवारी 15.12 टक्के आहे. कोलकाता येथील अभय बजोरिया आणि नोएडातील सूर्यांश अगरवाल हे दोघे देशात प्रथम क्रमांकाने उत्तीर्ण झाले आहेत. तर जुन्या अभ्यासक्रमाच्या परीक्षेत मुंबईतील मुलुंडचा धवल चोप्रा देशातून तिसरा आला आहे.
देशात प्रथम आलेल्या अभय बजोरिया आणि सूर्यांश अगरवाल यांना 800 पैकी 603 गुण (75.38 टक्के) मिळाले आहेत. कोलकात्याचाच ध्रुव कोठारी 800 पैकी 577 गुण (72.13 टक्के) मिळवून दुसरा आला. अहमदाबादच्या दर्शन शहा याने 800 पैकी 575 गुण (71.88 टक्के) मिळवून तिसरा क्रमांक पटकावला आहे. सीए फायनल परीक्षेत नाशिकचा कुशल संतोष लोढा याचा देशात पाचवा क्रमांक आला आहे. जुन्या अभ्यासक्रमाच्या परीक्षेला 8 हजार 21 विद्यार्थी बसले होते. त्यापैकी 817 विद्यार्थी उत्तीर्ण झाले असून निकालाची टक्केवारी 10.19 आहे.
वकिली करताना मी सीएचा अभ्यास करत होतो. अभ्यासासाठी खासगी क्लासही लावला होता. वेळोवेळी कुटुंबाने मदत केल्याने या यशाचे श्रेय त्यांना देतो. पुढे मी इन्कम टॅक्समध्ये लॉ प्रॅक्टीस करणार आहे.
- धवल चोप्रा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.