esakal | भयानक! बक्षीस दिलं नाही, मुंबईत तृतीयपंथीयाने तीन महिन्याच्या बाळाची केली हत्या
sakal

बोलून बातमी शोधा

Crime News

भयानक! बक्षीस दिलं नाही, मुंबईत तृतीयपंथीयाने तीन महिन्याच्या बाळाची केली हत्या

sakal_logo
By
सुरज सावंत

मुंबई: मुंबईत एक धक्कादायक घटना घडली आहे. आतापर्यंत आपण मुंबईतील रुग्णालयातून (Mumbai hospital) बाळ पळवल्याबद्दल (child theft) ऐकलं आहे. पण काल रात्री मुंबईच्या कफ परेड परिसरातून (cuffe parade area) एका घरातून तीन महिन्याचं बाळ पळवण्यात आलं. त्यानंतर त्या बाळाची हत्या (murder) करण्यात आली. रात्री अडीचच्या सुमारास ही घटना घडली. आंबेडकर नगरमध्ये एका घरातून तीन महिन्याच्या चिमुकलीला पळवण्यात आलं होत. घरात बाळाचा जन्म झाल्यानंतर अनेकदा तृतीयपंथीय (eunuch) दरवाजावर येऊन पैसे मागतात. (In mumbai cuffe parade area three month old baby killed by eunuch)

कफपरेड आंबेडकर नगरमध्ये राहणाऱ्या बाळाच्या घरी सुद्धा एक तृतीयपंथीय पोहोचला. बक्षिसात पैसे दिले नाहीत, म्हणून या तृतीय पंथीयाने तीन महिन्याच्या मुलीची हत्या केली. मुलगी झाली म्हणून तृतीयपंथीय बक्षीस मागण्यासाठी गेला होता. त्यांनी मुलीच्या पालकांकडे एक साडी एक नारळ आणि अकराशे रुपयाची मागणी केली.

हेही वाचा: दरवाजा उघडताच पायरीवर दिसला ८ फुटी अजगर, उरणमधील घटना

रात्री ९.३० च्या सुमारास बक्षीस मागण्यासाठी म्हणून तो घरी गेला होता. परिस्थिती हलाखीची असल्यामुळे त्या तृतीयपंथीयांची मागणी मुलीचे पालक पूर्ण करू शकले नाही. त्याचा राग मनात धरून तृतीयपंथीय तिथून निघून गेला.

हेही वाचा: मुंबईतील गरोदर मातांना कोविडच्या दुसऱ्या लाटेचा फटका

रात्री २ ते ३ च्या सुमारास आपला जोडीदार सोनू सोबत तृतीयपंथीय तिथे गेला आणि त्या मुलीचं अपहरण केलं. अपहरण करून त्या मुलीला कफ परेड येथील आंबेडकर नगरच्या मागील खाडीत जिवंत पुरलं. पोलिसांना माहिती मिळताच पोलिसांनी शोध मोहीम सुरू केली आणि तात्काळ प्रभावाने या दोघांना अटक केली.

loading image