धारावीत रुग्णसंख्येत वाढ, दिवसभरात 'इतके' जण कोरोनाबाधित

मुंबई : धारावीतील कोरोनाबाधितांची संख्या 1583 वर पोहोचली आहे. सोमवारी दिवसभरात 42 नव्या कोरोना रुग्णांची नोंद झाली. आतापर्यंत 60 जणांचा बळी गेला आहे.

महत्वाची बातमी : कोरोनाच्या पार्श्वभूमीवर मोठी बातमी, आठवड्याभरात मुंबईत कोरोना रुग्णवाढीचा दर 'इतका' वाढला

धारावीतील कोरोनाच्या रुग्णांच्या संख्येतील वाढीचे प्रमाण तीन दिवस कमी होते. रविवारी फक्त 24 नवे रुग्ण आढळले होते; मात्र सोमवारी 42 नव्या रुग्णांची नोंद झाली. माटुंगा केबर कॅम्प, कुंभारवाडा, रज्जाक अली चाळ, शाहू नगर या भागांत सर्वाधिक रुग्ण सापडले आहेत.

हे ही वाचा : रेल्वेमंत्री पियुष गोयल आणि संजय राऊतांमध्ये 'ट्वीट वार'! वाचा बातमी...

दादर, माहीमध्येही वाढ
दादर परिसरात सोमवारी 20 नवे रुग्ण आढळल्याने कोरोनाबाधितांची संख्या 239 वर पोहोचली असून, मृतांचा आकडा सात झाला आहे. माहीममध्ये आणखी 34 कोरोनाबाधित सापडल्याने रुग्णांचा आकडा 351 झाला आहे. धारावी आणि दादरप्रमाणे माहीममध्येही आज एकाही रुग्णाचा मृत्यू झाला नसून, मृतांची संख्या आठ आहे.

Increase in the number of corona patients in Dharavi, 42 corona infected during the day