मुंबईत साथीच्या आजारांचा 'ताप';आरोग्य विभागाची वाढतेय डोकेदुखी | Mumbai health update | Sakal
sakal

बोलून बातमी शोधा

Dengue-malaria patients
मुंबईत साथीच्या आजारांचा 'ताप';आरोग्य विभागाची वाढतेय डोकेदुखी

मुंबईत साथीच्या आजारांचा 'ताप';आरोग्य विभागाची वाढतेय डोकेदुखी

मुंबई : ओमिक्राॅन (Omicron variant) पाठोपाठ साथीच्या आजारांचे (infectious diseases) संकट मुंबईवर (Mumbai) कायम असून सर्दी, खोकल्याच्या तक्रारींनी (cold and cough complaints) मुंबईकर त्रस्त आहेत. मुंबईत 10  दिवसांत मलेरिया (Malaria), डेंग्यूसह (Dengue) गॅस्ट्रोच्या रुग्ण (Gastro patients) संख्येत दुप्पट वाढ झाली आहे. (Infectious diseases increases in mumbai big tension for health department)

हेही वाचा: 'चोर सोडून संन्याशाला फाशी'; मंगलप्रभात लोढा यांची प्रशासनावर टीका

कोरोना, ओमिक्राॅन विषाणूला रोखण्यासाठी मुंबई महापालिकेने युद्धपातळीवर नियोजन सुरु केले असतानाच साथीचे आजार बळावत आहेत . गेल्या 10 दिवसांत म्हणजेच 21 ते 31 डिसेंबर महिन्यात मलेरियाचे 288, गॅस्ट्रोचे 433 तर डेंग्यूच्या 40 नवीन रुग्णांची नोंद झाल्याने मुंबईत साथीच्या आजारांचे संकट कायम आहे.

मुंबईत कोरोनाची तिसरी लाट धडकली असून कोरोनाचा नवीन हेरिएंट ओमायक्राॅन विषाणुही वेगाने पसरतोय. त्यामुळे, कोरोनासह नवा ओमायक्राॅन विषाणू विरोधातील लढ्यात वाढत्या साथीच्या आजारांची चिंता पालिकेच्या आरोग्य विभागाची डोकूदुखी वाढवत आहे.

एच1एन1 आटोक्यात

दरम्यान, एच वन एन वन रुग आटोक्यात असून गेल्या 10दिवसांत एकही स्वाईन फ्लूचा रुग्ण आढळलेले नाही, असे पालिकेच्या आरोग्य विभागाने दिलेल्या आकडेवारीतून स्पष्ट झाले आहे.

10 दिवसांत आढळलेले रुग्ण

मलेरिया - 288

लेप्टोस्पायरोसिस- 4

गॅस्ट्रो - 433

डेंग्यू - 49

कावीळ - 37

चिकनगुनिया - 12

लेप्टो - 4

एच1एन1 - 0

हेही वाचा: वाशी आरटीओत 'ड्राइविंग टेस्ट ट्रकची' उभारणी; कौशल्यपूर्ण चालक घडवणार

मृत्यू नियंत्रणात

दरम्यान, गेल्या संपूर्ण वर्षात साथीच्या आजारांमुळे पालिकेने 7 मृत्यू नोंदवले जे 2020 च्या तुलनेत कमी आहेत. 2020 मध्ये एकूण 12 मृत्यू नोंदवण्यात आले होते.   त्यामुळे रुग्ण संख्या जरी वाढत असली तरी मृत्यू नियंत्रणात ठेवण्यात पालिकेला यश आले आहे.

सर्दी खोकला, तापाची ओपीडी वाढली

मुंबईतील पालिकेच्या कान-नाक-घसा या रुग्णालयातील ओपीडी सध्या वाढली आहे. सर्दी, खोकल्यासह तापाचे रुग्ण वाढू लागले आहेत. दररोज किमान 350 च्या वर ओपीडीत रुग्ण दाखल होत असून सर्दीमुळे कानाचे विकार वाढले आहेत अशी माहिती कान-नाक-घसा रुग्णालयाच्या प्रमुख वैद्यकीय अधिकारी डॉ. दीपिका राणा यांनी दिली आहे.

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
टॅग्स :Mumbai Newshealth news
loading image
go to top