कल्याण : भाजपच्या माजी नगरसेवकावर महिलेचे गंभीर आरोप

कल्याण : केडीएमसी (KDMC) माजी स्थायी समिती सभापती आणि भाजपा माजी नगरसेवक  संदीप एकनाथ गायकर (Sandip Gaikar) यांच्याविरोधात एका महिलेने तक्रार (Woman complaint) केल्यानंतर गायकर यांच्या विरोधात विनयभंगाचा बाजार पेठ पोलीस ठाण्यात (Bajar peth police station) गुन्हा दाखल (FIR) झाल्याने राजकीय वर्तुळात एकच खळबळ माजली आहे .

कल्याण मधील एका महिलेने बाजारपेठ पोलीस ठाण्यात दिलेल्या फिर्यादीनुसार, केडीएमसी माजी स्थायी सभापती आणि भाजपा माजी नगरसेवक संदीप गायकर यांनी सन 2019 ते 6 सप्टेंबर 2021 या काळात वेळोवेळी चार चाकी वाहनाने पाठलाग करून समाजात व नातेवाईकात बदनामी करेल , चेहऱ्यावर ऍसिड टाकून चेहरा खराब करेल , तुला सोडणार नाही, फिर्यादी महिला आणि मित्र परिवारास जीवे ठार मारण्याची धमकी देऊन अश्लील शिवीगाळ करत जबरदस्तीने हात पकडून विनयभंग करत न थांबता इंस्टाग्रामवर आणि वॉट्स ॲपवर अश्लील मेसेज टाकून बदनामी केल्याप्रकरणी केडीएमसी  माजी स्थायी समिती सभापती आणि भाजपा माजी नगरसेवक  संदिप गायकर यांच्यावर विनयभंग केल्या प्रकरणी बाजरपेठ पोलिस ठाण्यात गुन्हा दाखल झाल्याने राजकिय वर्तुळात खळबळ माजली आहे.