दुचाकी अपघातात तरुणाचा मृत्यू 

नालासोपारा : मुंबई-अहमदाबाद महामार्गावर विरार हद्दीत भरधाव दुचाकी (एम एच 4 एफ बी 5552) घसरून झालेल्या अपघातात दुचाकीस्वाराचा मृत्यू झाला आहे. प्रतीक विक्रम कोटियान असे मृत्यू झालेल्या तरुणाचे नाव असून तो मुंबईतील अंधेरी येथील रहिवासी आहे.

रविवारी (ता. 17) सकाळी 7 मित्र मिळून चारोटी येथे सहलीसाठी जात होते. सकाळी 7 वाजण्याच्या सुमारास गुजरातच्या दिशेने जात असतानाच विरारमधील भालीवली गावाच्या हद्दीत असलेल्या खनिवडे टोल नाक्‍यानजीक प्रतीकची दुचाकी घसरून अपघात झाला. यात प्रतीकच्या छातीला व हातपायाला गंभीर मार लागल्याने त्याचा उपचारादरम्यान मृत्यू झाला. याबाबत विरार पोलिस ठाण्यात नोंद करून अधिक तपास सुरू आहे.