कुप्रथा बंद करा, कृष्णावेणी यात्रेवरून हायकोर्टाने कोल्हापूर जिल्हाधिकाऱ्यांना सुनावले

mumbai high court
mumbai high courtesakal
Summary

एखाद्याच्या शेतात असलेलं पीक असं उद्ध्वस्त करून जत्रा भरवणे हे दुर्दैवी असल्याचं उच्च न्यायालयाने म्हटलं आहे.

महाशिवरात्रीच्या यात्रेसाठी शेतात उभा असलेल्या पीकावर जेसीबी चालवल्याप्रकरणी कोल्हापूर जिल्हाधिकाऱ्यांना हायकोर्टाने फटकारलं आहे. कृष्णा पंचगंगा संगमावर कृष्णावेणी जत्रा साजरा करण्यासाठी याचिकाकर्त्याची जमीन वापरता येणार नाही असंही सांगितलं आहे. कोरोनाच्या पार्श्वभूमीवर अद्याप राज्यात काही निर्बंध लागू आहेत. तरीही जिल्हाधिकाऱ्यांनी यात्रेला परवानगी कशी दिली असा प्रश्नही खंडपीठाने जिल्हाधिकाऱ्यांना विचारला. एखाद्याच्या शेतात असलेलं पीक असं उद्ध्वस्त करून जत्रा भरवणे हे दुर्दैवी असल्याचं उच्च न्यायालयाने म्हटलं आहे.

कोल्हापूरच्या शशिकला आंबडे यांनी आपल्या जमिनीचा सरकार वापर करत असल्याबाबत याचिका दाखल केली होती. महाशिवरात्रीनिमित्त आयोजित उत्सवासाठी प्रशासनाने उभ्या पीकावर जेसीबी चालवला होता. यावर सुनावणी करताना न्यायालयाने पिकांचं नुकसान करत जत्रा भरवण्याची कुप्रथा बंद करा असे म्हटले आहे. या सुनावणीला कोल्हापूर जिल्हाधिकारी कोर्टसमोर व्हिडिओ कॉन्फरन्सद्वारे हजर झाले.

न्यायालयाने सुनावणी करताना म्हटलं की, उत्सव केवळ सार्वजनिक रस्त्यांपर्यंत मर्यादित ठेवण्यात यावेत. न्यायालयाच्या या निर्णयामुळे यंदा कृष्णावेणी यात्रेच्या आयोजनावर मर्यादा आल्या आहेत. आता या प्रकरणी जिल्हाधिकारी आणि नगरपरिषद मुख्याधिकारी यांना 10 मार्चला उत्तर देण्याचे आदेशही न्यायालयाने दिले आहेत.

mumbai high court
चित्रनगरीचा वनवास संपला

कोल्हापुरात कुरुंदवाडमध्ये कृष्णा आणि पंचगंगा नदीच्या संगमावर दरवर्षी महाशिवरात्रीला कृष्णावेणी यात्रा भरते. खासगी जमीनी घेऊन त्याठिकाणी यात्रा भरवण्यात येते. यावेळी शेती प्रदर्शन आणि जनावरांचेही प्रदर्शन असते. याच यात्रेसाठी नगर परिषदेने शशिकला सुरेंद्र आंबडे यांच्या शेतातलं पीक जेसेबीने उद्ध्वस्त केलं. याविरोधात आंबडे यांनी मुंबई उच्च न्यायालयात याचिका दाखल केली होती. याचिकेवर सोमवारी सायंकाळी सुनावणी झाली.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com