आरोपी मोरे यांन वाहन चालवण्याचा ३०हून अधिक वर्षांचा अनुभव आहे. त्यांनी या काळात अनेकदा मोठ्या खासगी बसगाड्या मुंबईहून राज्याच्या कानाकोपऱ्यात सुरक्षितपणे नेल्या आणि आणल्या आहेत..ते ज्या वस्तीत राहतात तेथे सुरक्षित वाहनचालक अशी त्यांची ओळख आहे. त्यामुळे त्यांना ओळखणाऱ्या किंवा ते चालवत असलेल्या वाहनांतून प्रवास केलेल्या प्रत्येकाला अपघातग्रस्त इलेक्ट्रिक बसमध्येच काहीतरी बिघाड असावा, असे वाटत आहे, अशी प्रतिक्रिया मनोहर ओगले यांनी दिली.ओगले आरोपी मोरे यांचे आतेभाऊ आहेत. पोलिसांनी अटक केल्यानंतर आम्ही कुटुंबीयांनी संजय यांची भेट घेतली. त्यांनीही बसमध्ये बिघाड असल्याचे सांगितल्याचा दावा ओगले यांनी केला. असल्फा गावात मोरे कुटुंबीय वास्तव्य करीत आहे. मोरे यांची दोन्ही मुले शिक्षण घेत असून, पोळी-भाजी केंद्रही चालवतात..उपनिरीक्षकाने वाचवले आरोपीचे प्राणमुंबई : पोलिस उपनिरीक्षक प्रशांत चव्हाण यांनी जखमी अवस्थेतही दाखवलेल्या प्रसंगावधानामुळे आरोपी बेस्ट बसचालक संजय मोरे आणि वाहक सिद्धार्थ मोरे यांचे प्राण वाचवल्याची बाब समोर आली. अपघातानंतर संतप्त जमावाने या दोघांना मारहाण सुरू केली होती. पोलिस उपायुक्त गणेश गावडे यांनी या वृत्तास दुजोरा दिला आहे. अपघात घडला तेव्हा प्रशांत चव्हाण भाजी मार्केट परिसरात गस्त घालत होते..या अपघातात रिक्षा आणि फळविक्रेत्याच्या हातगाडीमध्ये चव्हाण अडकले. त्यांनी तत्काळ कुर्ला पोलिस ठाण्याचे वरिष्ठ निरीक्षक तोरडमल यांना संपर्क साधत फौजफाटा पाठवण्याची विनंती केली. त्याचदरम्यान संतप्त नागरिकांनी बसचालक मोरे आणि वाहक सिद्धार्थ यांना बाहेर काढून मारहाण करण्यास सुरुवात केली होती. ही मारहाण सुरू असताना चव्हाण आणि सहकारी पोलिस अधिकाऱ्यांनी दोघांना ताब्यात घेत गर्दीतून कसेबसे बाहेर काढत त्यांचे जीव वाचवले. .कंत्राटी पद्धत बंद करण्याची मागणीमुंबई : ‘बेस्ट’मध्ये कंत्राटी कंपन्यांचा सुळसुळाट झाला असून, परिणामी बस गाड्यांना अपघात होण्याचे प्रमाण वाढले आहे. यामुळे बेस्टचा सुरक्षित प्रवास आता इतिहासजमा झाला आहे. त्यामुळे बेस्टमधील कंत्राटी पद्धत कायमस्वरूपी बंद करण्याची मागणी कामगार संघटनांनी केली आहे. कामगार नेते शशांक राव यांनी सांगितले की, कंत्राटी पद्धतीमुळे प्रवाशांचा जीव धोक्यात घालणाऱ्या घटना वारंवार घडताना दिसत आहेत. दुसरीकडे मुंबईकरांना सुरक्षित आणि विश्वासार्ह, सार्वजनिक बस प्रवास अल्पदरात देण्याकरिता कंत्राटी पद्धत कायमस्वरूपी रद्द करावी, गेल्या वर्षभरात सुमारे आठ नागरिकांनी बेस्टच्या अपघातात जीव गमवला आहे, ही बाब अत्यंत गंभीर असल्याचे माजी बेस्ट समिती सदस्य प्रभाकर शिंदे यांनी सांगितले..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
