मुंबई : मुंबईतील माऊंट मेरी चर्चला बॉम्ब ठेवण्याची धमकी देण्यात आल्यची माहिती समोर आली आहे. शुक्रवारी लष्कर-ए-तैयबा या दहशतवादी संघटनेने ईमेलद्वारे चर्चमध्ये बॉम्बस्फोट करण्याची धमकी दिली आहे.
पोलिसांनी अज्ञाताविरुद्ध गुन्हा दाखल केला आहे. दहशतवादी संघटना चर्चवर बॉम्बद्वारे हल्ला करणार असल्याचा इशारा ई-मेलद्वारे देण्यात आला आहे. पोलिसांनी भादंवि कलम 505 (3) अन्वये गुन्हा दाखल केला आहे.
माउंट मेरी चर्च हे भारतातील पाच सर्वात जुन्या चर्चपैकी एक आहे. अशातच नाताळनंतर (Christmas) आता आलेल्या या धमकीमुळे पोलिस अॅक्शन मोडवर आल्याचं पहायला मिळतंय.
दरम्यान, नाताळ ते न्यू ईयरच्या दरम्यान मोठ्या प्रमाणात लोक या चर्चेमध्ये येतात. त्यामुळे या काळात मोठ्या प्रमाणावर गर्दी असते. अशातच आता दहशदवादी संघटनेच्या धमकीमुळे आता पोलीस यंत्रणा दक्षता घेत आहे.
ख्रिसमसच्या दिवशी मुंबईत नाताळची धूम पहायला मिळाली होती. अशातच आता न्यू ईयरच्या सिलेब्रेशनला गालगोट लागू नये, म्हणून पोलीस यंत्रणा काळजी घेताना दिसत आहे.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.