दोघांचं भांडण तिसऱ्याचा मर्डर..

मुंबई : पती-पत्नीचे भांडण सोडवण्यासाठी गेलेल्या मेहुण्याची हत्या करण्यात आल्याचा प्रकार आग्रीपाडा येथे घडला. याप्रकरणी पोलिसांनी हत्येचा गुन्हा दाखल करून आरोपी भाऊजीला अटक केली आहे. 

हे ही वाचा....या कार्यक्रमामुळे कर्करोगग्रस्तांमध्ये निर्माण झाली जगण्याची आशा 

आरोपी राजेश बोरीचा व त्याची पत्न हंसा यांच्यात घरगुती वाद सुरू होते. त्यावेळी हंसाचा भाऊ विनोद बिजल मोखरा हा या दोघांमधील भांडण सोडवण्यासाठी आला होता. त्यावेळी वादानंतर राजेश विनोदला धोबीघार येथील जेआरबोरीचा मार्ग येथील जे इमारतीच्या खाली घेऊन गेला. तेथे दोघांमध्ये या विषयांवरून वाद झाला. या वादात रागाच्या भरात राजेशने विनोदच्या पोटात चाकू भोसकला. त्यानंतर विनोदला तात्काळ रुग्णालयात नेले असता तेथील डॉक्‍टरांनी त्याला मृत घोषित केले.

हे ही वाचा....लज्जास्पद!चाईल्ड पोर्नोग्राफीत महाराष्ट्रात दुसऱ्या क्रमाकांवर 

याप्रकरणी विनोदचा भाऊ गिरधर याच्या तक्रारीवरून आग्रीपाडा पोलिसांनी हत्येचा गुन्हा दाखल करून राजेशला अटक केली. राजेशने विनोदच्या छातीच्या खाली डाव्या बाजूला पोटात व डोक्‍याच्या उजव्या बाजूला वार केले. पोटातील जखम गंभीर झाल्याने विनोदला वाचवणे शक्‍य झाले नाही. आरोपीने पत्नीलाही यापूर्वी मारहाण केली होती, असे तक्रारीत म्हटले आहे. 

in law gets killed while resolving fight of husband and wife