काय सांगता ! लॉकडाऊनमध्येही मोकाट वाहन चालकांची पेट्रोल पंपवर गर्दी

कर्जत : लॉकडाऊनमुळे अत्यावश्यक सेवा पुरविणाऱ्यांना पेट्रोल दिले जात आहे. असे असतानाही विनाकारण भटकणाऱ्यांची संख्या कमी होत नसून मोकाट वाहनधारक कर्मचाऱ्यांना दमदाटी करून पेट्रोल पंपावर गर्दी करीत आहेत. त्यामुळे अशा पंपावर पोलिस बंदोबस्त ठेवण्याची मागणी पंप मालकांकडून होत आहे. 

नक्की वाचा : कोरोनादरम्यान गर्भवती महिलांनी घ्या स्वत:ची काळजी...असे रहा तणावमुक्त

गाडीत पेट्रोल टाकून मिळावे, म्हणून तरुणाई विविध शक्कल लढवत आहेत. हा प्रयोग यशस्वी झाला नाही तर पेट्रोल देण्यासाठी दबाव टाकला जात आहे. तर काही जण घरातील वृद्धांच्या मेडिकलच्या फाईल, भाजीपाल्यासाठी वापरली जाणारी कॅरेट गाडी मागे लावून शेतकरी असल्याचे भासवु पाहत आहेत. यामुळे पोलिस व पेट्रोलपंप चालकांची डोकेदुखी वाढली आहे.

हे ही वाचा : लॉकडाऊनमध्ये ग्राहकांची लूट, व्यापाऱ्यांकडून चढ्या दराने डाळींची विक्री

काही राजकीय पक्षाचे कार्यकर्ते धान्य वाटपाची कारणे देत घालून गावोगावी अप्रत्यक्षरीत्या पक्षाचा प्रचार करताना आढळून येत आहे. जमावबंदी असतानाही जीवनाश्यक वस्तू वाटपाच्या नावाने काही ठिकाणी मोठ्या प्रमाणात गर्दी होत आहे . यावर पोलिसानी कडक कारवाई करण्यात यावी, अशी मागणी सर्वसामान्य वर्गामधून होत आहे.

 in Lockdown crowd of drivers at petrol pumps