लॉकडाऊनमुळे धारावीतील बोहारणींना भविष्याची चिंता  

धारावी : जगभरात कोरोनाचा धुमाकूळ सुरू आहे. मुंबईतील रुग्णही वाढत चालले आहेत. लघुउद्योगाची नगरी अशी ओळख असलेल्या धारावीतही कोरोनाचा संसर्ग वाढू लागला आहे. संचारबंदीमुळे आधीच इथले व्यवसाय कोलमडून गेले होते. आता रुग्ण वाढू लागल्याने धारावीतील हातावर पोट असणाऱ्या कुटुंबांचे हाल सुरू आहेत. जुने कपडे घेऊन भांडे देणाऱ्यांना अर्थात बोहारणींना घरातच बसावे लागत असल्याने त्यांना आर्थिक समस्या भेडसावू लागली आहे. 

मोठी बातमी ः राज्य आणि केंद्राबद्दल मनसे अध्यक्ष राज ठाकरेंचं मोठं विधान, म्हणालेत...

धारावीत केला वखार विभागात वाघरी वाडा नावाची वस्ती आहे. वाघरी समाजाची मंडळी मूळची गुजरात राज्यातली, परंतु पोटापाण्यासाठी अनेक वर्षांपासून ती धारावीत वास्तव्य करून आहेत. वाघरी समाजाची 250 कुटुंबे इथे राहतात. मुंबईभर फिरून ते जुने कपडे घेऊन त्या बदल्यात नवीकोरी भांडी देतात. जुने कपडे स्वच्छ धुऊन चोर बाजारात विकतात. त्यावरच त्यांचा उदरनिर्वाह चालतो. सध्या लॉकडाऊनमुळे मुंबईतील सर्व व्यवहार बंद आहेत. त्याची झळ त्यांनाही बसली आहे. गाठीशी असलेले पैसे खर्च करून त्यांनी वीस-बावीस दिवस कसेबसे ढकलले. मात्र, आता तेही संपल्याने त्यांची अवस्था बिकट झाली आहे. धारावीत सध्या सामाजिक संस्था वा राजकीय पक्षांकडून मिळणाऱ्या मदतीवर आलेला दिवस ढकलावा लागत आहे. 

महत्वाची बातमी ः गलथान कारभार ! ३० तास रुग्णालयाच्या पार्किंगमध्ये पाहिली बेडसाठी वाट; मग मिळाले कोरोनाग्रस्त महिलेला उपचार...

वस्तीतील संस्था स्थानिक राजकीय पक्षांनी खाण्याची व अन्नधान्याची व्यवस्था केली असल्याने त्यांना आधार मिळाला आहे. मात्र, संचारबंदी उठली नाही तर काय करायचे, अशा विचाराने त्यांची झोप उडाली आहे. 

हे वाचा ः मजुरांसाठी अखेर सरकार धावले

विचार करून डोके बधिर झालेय! 
जेव्हा लॉकडाऊन संपलेले असेल तेव्हा आमच्या व्यवसायावर त्याचा काय दुष्परिणाम होतील याचा विचार करून डोके बधिर झाले आहे, अशी कैफियत व्यावसायिक विनोद वाघरी यांनी मांडली. "आम्ही मुंबईतील अनेक विभागांतील गाल्लीबोळात फिरून आमचा व्यवसाय करतो. कोरोनामुळे पुढे आम्हाला आमचा व्यवसाय करता येईल का? असा प्रश्‍न भेडसावत आहे, अशी प्रतिक्रिया बोहारीण असलेल्या वैशाली दंतानी सतनिक यांनी व्यक्त केली.