महाराष्ट्रात बलात्कारासह हत्येचे सर्वाधिक गुन्हे; महिलांविरोधात घडलेल्या गुन्ह्यांत राज्य तिसऱ्या क्रमांकावर

मुंबई - 2019 मध्ये  देशात बलात्कारासह हत्येचे सर्वाधिक गुन्हे म्हणजे 47 महाराष्ट्रात घडले आहेत. राज्यापाठोपाठ मध्य प्रदेशात(37) बलात्कारासह हत्येचा गुन्हे दाखल झाले आहेत. त्याच्या पाठोपाठ उत्तर प्रदेशात 34 बलात्कारासह हत्येचा गुन्हा दाखल झाले होते.

मुंबईतील वन्यजीवसृष्टीचे वैभव एका क्लिकवर! मुंबईचा जैवविविधता नकाशा तयार

महाराष्ट्रात  महिलांविरोधात 37 हजार 144 गुन्हे घडले. त्याबाबत राज्य देशात तिस-या क्रमांकावर आहे. महिलांविरोधात सर्वाधिक गुन्हे उत्तरप्रदेशात(59853) व राजस्थान(41550) घडले आहेत. गंभीर बाब म्हणजे बलात्काराच्या घटनांचा विचार केला, तर राज्य चौथ्या क्रमांकावर आहे. राजस्थानात सर्वाधीक म्हणजे 5997 बलात्काराचे गुन्हे दाखल झाले आहेत. त्यापाठोपाठ उत्तर प्रदेश(3065) व मध्यप्रदेशात(2485) सर्वाधीत बलात्काराचे गुन्हे दाखल झाले होते. महाराष्ट्र बलात्कााराच्या गुन्ह्यांबाबत देशात चौथ्या क्रमांकावर आहेत. राज्यात 2299 बलात्काराचे गुन्हे दाखल झाले होते. राज्यापाठोपाठ केरळमध्ये 2023 बलात्काराचे गुन्हे दाखल झाले आहेत.

बाबरी मशीद निकालाचे शिवसेनेकडून स्वागत; आडवाणी, उमा भारती, जोशींचे केले अभिनंदन

मुंबई ज्येष्ठ नागरीकांविरोधात घडले सर्वाधिक गुन्हे 

देशाच्या आर्थिक राजधानी मुंबईत ज्येष्ठ नागरिकांविरोधात सर्वाधीक गुन्ह्यांची नोंद झाली आहे. 2017 पासून याबाबत मुंबई पहिल्या क्रमांकावर आहे. 2019 मध्ये ज्येष्ठ नागरीकांविरोधात 1231 गुन्ह्यांची नोंद झाली आहे. त्या पाठोपाठ दिल्ली(1076), अहमदाबाद(794) व चेन्नईचा(552) क्रमांक लागतो. त्यातील बहुतांश गुन्हे मालमत्तेशी संबंधीत आहेत. बहुतांश गुन्ह्यांमध्ये ज्येष्ठ नागरीकांची फसवणूक अथवा लुट करण्यात आली आहे. राज्यही याबाबत देशात आघाडीवर आहेत.

-------------------------------------------------

( संपादन - तुषार सोनवणे )