Mantralay News: मंत्रालयात फडणवीसांच्या कार्यालयाबाहेर तरुणाच्या आत्महत्येच्या प्रयत्नानं खळबळ!

मुंबई : कर्जबाजारीपणाला कंटाळलेल्या एका व्यक्तीनं थेट मंत्रालयात धाव घेत उपमुख्यमंत्री देवेंद्र फडणवीस यांच्या कार्यालयाबाहेर आत्महत्येचा प्रयत्न केल्यानं खळबळ उडाली आहे. त्यानं स्वतःच्या शरिरावर धारदार ब्लेडनं वार करुन घेतल्याचं प्राथमिक माहितीतून कळतं आहे. या व्यक्तीला पोलिसांनी ताब्यात घेतलं असून त्याच्यावर गुन्हाही दाखल झाला आहे. (Maharashtra Mantralay News Suresh Jagtap suicide attempt outside Devendra Fadnavis office)

सुत्रांच्या माहितीनुसार, सुरेश जगताप असं या ४६ वर्षीय व्यक्तीचं नाव असून तो मूळचा साताऱ्यातील फलटणाचा रहिवासी आहे. कर्जबाजारीपणाला कंटाळून या व्यक्तीनी मंत्रालयात उपमुख्यमंत्री देवेंद्र फडणवीस यांच्या कार्यालयाबाहेर आत्महत्येचा प्रयत्न केला. (Marathi Tajya Batmya)

२ ऑगस्टच्या दुपारी सुरेश मंत्रालयातील पास घेऊन ६ व्या मजल्यावरील उपमुख्यमंत्री देवेंद्र फडणवीस यांच्या दालनासमोरील लॉबीत आला. यावेळी कुणाला काही कळायच्या आत त्यानं स्वत:जवळील कटरने स्वत:च्या डाव्या मनगटावर वार करून आत्महत्येचा प्रयत्न केला. यानंतर सुरक्षा रक्षकांनी त्याला तातडीनं जीटी रुग्णालयात हालवलं. (Latest Marathi News)

दरम्यान, याप्रकरणी मरीन ड्राइव्ह पोलीस ठाण्यात सुरेश जगताप विरोधात गुन्हा दाखल करण्यात आला आहे. पोलिसांनी त्याला ४१ 'अ' १ अन्वेय अंतर्गत नोटीही जारी केली आहे. या प्रकरणाचा अधिक तपास मरीनड्राइव्ह पोलीस करत आहेत.