Latest Marathi News Updates: नीलकमल बोट दुर्घटनेत १३ जणांचा मृत्यू, मुख्यमंत्र्यांनी दिली माहिती

एक्सप्रेसचं इंजिन खराब झाल्यानं मध्य रेल्वेची वाहतूक विस्कळीत झालीय. कसारा-आसनगाव-टिटवाळा लोकल ट्रेनचा खोळंबा झाला आहे..नीलकमल बोट दुर्घटनेत मृतांचा आकडा वाढला असून मुख्यमंत्री देवेंद्र फडणवीस यांनी याची माहिती दिलीय. नीलकमल बोट उलटली तिथं घटनास्थळी बचावकार्य सुरू आहे. या दुर्घटनेत १३ जणांचा मृत्यू झाला आहे..नीलकमल बोट अपघात झाला असून याठिकाणी बचावकार्य सुरु आहे. त्यासाठी चार हेलिकॉप्टर आणि १४ नौका घटनास्थळी दाखल झाल्या आहेत. आतापर्यंत ७७ जणांना वाचवण्यात यश आलं आहे. तर अद्याप ५ जण बेपत्ता असल्याची माहिती आहे. .Mumbai Boat Accident: नीलकमल बोटीच्या अपघातात तीन प्रवाशांचा मृत्यू झाल्याची माहिती पुढे आली आहे, तर ७७ जणांना वाचवण्यात यश आलं आहे. अद्यापही बचावकार्य सुरू आहे. .आज एमपीएससी आयोगाला स्पर्धा परीक्षा विद्यार्थी असोसिएशन वतीने विविध मागण्यांचे निवेदन देण्यात आले. यामध्ये१) PSI वयोमर्यादा वाढ करण्यात यावी.२) २५ डिसेंबर ला नाताळच्या दिवशी समाज कल्याण विभागाची होणारी परीक्षा पुढे ढकलण्यात यावी. ३) सहाय्यक आयुक्त समाज कल्याण व तत्सम गट अ.ही परीक्षा २५ डिसेंबर ला होत आहे. ती परीक्षा विध्यार्थ्यांना पुरेशी तयारी करता यावी म्हणून काही दिवस पुढे ढकलण्यात यावी अशा प्रमुख मागण्या करण्यात आल्या..- शिवसेना आमदार विजय शिवतारेच्या विरोधात अंधेरीत आरपीआय कार्यकर्ते आक्रमक- हातात विजय शिवताऱ्यांचे पोस्टर घेऊन त्यांच्या विरोधात निषेध आंदोलन- अंधेरी पूर्व येथील एमआयडीसी परिसरात विजय शिवतारे यांनी पदाचा गैरवापर करून जमिनीवरील झोपड्या तोडल्याचा आरोप आरपीआयच्या कार्यकर्त्यांनी केला.- आमदार विजय शिवतारे यांनी गरिबांच्या झोपड्या लॉकडाऊन मध्ये पदाचा गैरवापर करून तोडल्याचा आरोप- मागील अनेक वर्षापासून ही जागा विजय शिवतारे यांच्या ताब्यात आहे मात्र बिल्डर विजय शिवतारे यांनी घरे तोडुन मोबदला न देता फसवणुक केल्याचा झोपडीधारकांचा आरोप- अंधेरीत विजय शिवतारे बिल्डर हाय हायच्या घोषणांनी दणाणून सोडला.- गेट वे ऑफ इंडियावरून एलिफंटाला जाणाऱ्या निलकमल नावाची बोटीच्या अपघात घडला आहे. - ६० ते ७० प्रवासी बोटी होते. अनेक प्रवाशांना वाचविण्यात आल्याची माहिती मिळत आहे.- पवार कधी काय निर्णय घेतील,सांगता येत नाही - पवार शांत, याचा अर्थ वादळ निर्माण होतंय - मविआ आता राहिलेली नाही- शिरसाट .-प्रभारी मंत्री चंद्रकांत पाटील यांनी ही दोन्ही विधेयकं सभागृहात मांडली.- विधानपरिषदेत महाराष्ट्र खाजगी विद्यापीठ, स्थापन आणि विनियमन, सुधारणा विधेयक 2024 संमत.केंद्रीय गृहमंत्री अमित शहा आज 18 डिसेंबर रोजी सायंकाळी 5:30 वाजता भाजप मुख्यालयात महत्त्वपूर्ण पत्रकार परिषद संबोधित करतील: भाजप.शेतकऱ्यांच्या प्रश्नावर काँग्रेस कार्यकर्त्यांनी इंदूरमध्ये आंदोलन केले आहे. .राष्ट्रीय अल्पसंख्याक शैक्षणिक संस्था आयोगाच्या 20 व्या स्थापना दिनाला केंद्रीय मंत्री धर्मेंद्र प्रधान यांनी केलं संबोधित. केंद्र सरकारनं गेल्या 10 वर्षांत अल्पसंख्याकांसह गरिबांचं जीवनमान उंचावलं आहे..केंद्रीय गृहमंत्री अमित शहा यांनी संसदेत डॉ बाबासाहेब आंबेडकर यांच्या विषयी केलेल्या वक्तव्याचा मुद्दा काँग्रेसच्या नितीन राऊत यांनी विधानसभेत केला उपस्थित. राज्यसभेतील विषय सभागृहात उपस्थित करता येणार असे मंत्री आशिष शेलार म्हणतात. .सोने आणि चांदीच्या दरात आज देखील घसरण पाहायला मिळाली. देशातील सराफ बाजार आणि कमोडिटी बाजारात सोन्याचे दर घसरले. गेल्या काही दिवसांपासून सोने दरात घसरण होत आहे. देशातील सराफा बाजारात सोने दरात घसरण झाली. 24 कॅरेट सोन्याचे दर 160 रुपयांनी घसरुन 77840 वर पोहोचलं. एमसीएक्सवर सोन्याचा दर 76855 रुपये 10 ग्रॅमवर पोहोचला. मुंबईतील 10 ग्रॅम सोन्याच दर 77840 रुपयांवर आहे. चेन्नई, बंगळुरु, हैदराबाद आणि कोलकाता येथे देखील दर 77840 रुपये 10 ग्रॅम आहे. चांदीचा आजचा दर 92500 रुपये किलोवर आला आहे. .केंद्रीय अर्थमंत्री निर्मला सीतारमण यांनी लोकसभेत माहिती दिली की विजय माल्ल्याची संपत्ती विकून विविध बँकांना 14 हजार कोटी रुपये परत करण्यात आले आहेत. याशिवाय निरव मोदी याची संपत्ती विकून 1053 कोटी रुपये देखील बँकांना देण्यात आले. या दोन्हीसह विविध घोटाळ्यात अडकलेल्या रकमेसह एकूण 22280 कोटी रुपये संबंधितांना परत करण्यात आली आहे. .राज्यसभेत भाषण करताना केंद्रीय गृहमंत्री अमित शाह यांनी डॉ. बाबासाहेब आंबेडकर यांच्या विषयी एक वक्तव्य केलं. यावेळी अमित शाह म्हणाले की, आंबेडकरांचे नाव घेणे ही एक फॅशन झाली आहे. सगळीकडे आंबेडकर, आंबेडकर, आंबेडकर, म्हणायचे. “त्यांनी देवाचे नाव इतक्या वेळा घेतले असते, तर स्वर्गात जागा मिळाली असती,” असे शाह म्हणाले. याच मुद्यावरून काँग्रेस आणि विरोधक आक्रमक झाले असून अमित शाहांनी डॉ. बाबासाहेब आंबेडकर यांचा अपमान केला असल्याचा आरोप केला आहे. शाह यांनी त्यांनी केलेल्या वक्तव्यावर माफी मागावी अशी आग्रही मागणी काँग्रेस आणि विरोधकांनी केली आहे. .महाराष्ट्राचे उपमुख्यमंत्री एकनाथ शिंदे यांनी म्हटले की 'महाविकास आघाडीने गेली अडीच वर्षे आमच्या सरकारबद्दल काय बोलले ते पाहावे. आमच्या सरकारवर अडीच वर्षे आरोप करणाऱ्या लोकांच्या मनात चांगल्या गोष्टी येत आहेत हे चांगले आहे. '.'वन नेशन वन इलेक्शन' विधेयकावर शिवसेना (यूबीटी) नेते अरविंद सावंत म्हणाले, "वन नेशन वन इलेक्शन'' ही छोटी गोष्ट नाही, ती फार गांभीर्याने घेतली पाहिजे... समितीमध्ये पंतप्रधान हे पहिले होते. .मुख्यमंत्री देवेंद्र फडणवीस यांच्या उपस्थितीत महाराष्ट्र विधान परिषदेच्या सभापती पदाच्या निवडणुकीसाठी प्रा. राम शिंदे यांनी आज उमेदवारी अर्ज केला दाखल. उपमुख्यमंत्री अजित पवार, मंत्री चंद्रशेखर बावनकुळे, चंद्रकांत पाटील उपस्थित. .राज्यसभेत राज्यसभेत केंद्रीय गृहमंत्र्यांच्या भाषणावर राज्यसभेतील विरोधी पक्षनेते आणि काँग्रेसचे खासदार मल्लिकार्जुन खर्गे म्हणाले, "...त्यांनी बाबासाहेब आंबेडकर आणि राज्यघटनेचा अपमान केला आहे. त्यांची मनुस्मृती आणि आरएसएसची विचारधारा आहे. बाबासाहेब आंबेडकर यांच्या संविधानाचा आदर करू इच्छित नाही आणि आम्ही त्यांच्या राजीनाम्याची मागणी करत आहे. त्यांनी आपल्या पदाचा राजीनामा द्यावा.".डाॅ. बाबासाहेब भीमराव आंबेडकर यांच्या संदर्भात गृहमंत्री अमित शहा यांनी केलेल्या टिप्पणीवरून काँग्रेस आणि इतर अनेक विरोधी पक्षांनी बुधवारी लोकसभेत गदारोळ केला, त्यानंतर दोन्ही सभागृहांचे कामकाज तहकूब करण्यात आले. विरोधकांनी 'जय भीम'च्या घोषणा दिल्या. .राष्ट्रवादी शरदचंद्र पवार पक्षाचे प्रमुख शरद पवार हे पंतप्रधान नरेंद्र मोदी यांची भेट घेण्यासाठी पोहचले आहेत. अखिल भारतीय मराठी साहित्य संमेलनाचे निमंत्रण देण्यासाठी ते पोहचल्याचे सांगण्यात येत आहे. .नागपुरात हिवाळी अधिवेशनादरम्यान शेतक-यांच्या मागण्यांसाठी विरोधकांनी आंदोलन सुरु केले आहे. परंतू या आंदोलनाकडे राष्ट्रवादी काॅंग्रेस शरद पवार गटाचे नेते जंयत पाटील यांनी पाठ फिरवली ते थेट सभागृहात गेले. .हिवाळी अधिवेशनाचा आज तिसरा दिवस आहे. उपमुख्यमंत्री अजित पवार दोन दिवसांपासून नाॅट रिचेबल होते. ते आज अधिवेशानत उपस्थित राहणारअसल्याचे सांगितले जात आहे. .सवाई गंधर्व भीमसेन महोत्सवासाठी पुणे महानगर परिवहन महामंडळाने (पीएमपी) दि. १८ ते २२ डिसेंबरदरम्यान मुकुंदनगर येथील महाराष्ट्रीय मंडळ क्रीडा संकुल येथून विशेष बस सोडण्याचा निर्णय घेतला आहे.सवाई गंधर्व संगीत महोत्सवाच्या श्रोत्यांसाठी कार्यक्रम संपल्यानंतर परतीच्या सोयीसाठी पीएमपीकडून २५ टक्के जादा तिकीट दर आकारला जाणार आहे. .पुणे पुस्तक महोत्सवाला नागरिकांचा उत्तम प्रतिसाद चार दिवसांत तीन लाखांपेक्षा अधिक नागरिकांची पुस्तक महोत्सवाला भेट तर तब्बल पाच लाख पुस्तके खरेदी नागरिकांनी केलीयसर्व पुस्तकांच्या खरेदीवर १० टक्के सवलत ही देण्यात येतोय महत्वाचे म्हणजे यंदा २२ भारतीय भाषांमधील सुमारे १२ लाख पुस्तके खरेदीसाठी उपलब्ध आहेत. त्यामुळे पालक आवर्जून पुस्तकांची खरेदी करीत आहेत..मुंबईच्या अँटॉप हिल परिसरात तरुणाकडून रस्त्यावरील कुत्र्यावर लोखंडी पान्ह्याने जोरदार हल्ला करण्यात आला आहे. या हल्ल्यात कुत्रा गंभीर जखमी झाला असून त्याच्यावर रुग्णालयात उपचार सुरू आहेत. या हल्ल्या प्रकरणी सायन पोलीस ठाण्यात गुन्हा दाखल करण्यात आला असून हल्लेखोर तरुणाला सायन पोलीसांनी ताब्यात घेतले असून त्याची चौकशी सुरू केली आहे. या हल्ल्याचा सर्व प्रकार सीसीटीव्ही कॅमेऱ्यात कैद झाला असून यात हल्लेखोराची कृती स्पष्टपणे कैद झाली आहे. .सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

Latest Marathi News Updates: नीलकमल बोट दुर्घटनेत १३ जणांचा मृत्यू, मुख्यमंत्र्यांनी दिली माहिती

एक्सप्रेसच्या इंजिनमध्ये बिघाड, मध्य रेल्वेची वाहतूक विस्कळीत

Related Stories