मुंबई: मुख्यमंत्री देवेंद्र फडणवीस यांनी मंत्र्यांना तंबी दिल्यानंतरसुद्धा महायुतीमधील मंत्र्यांकडून वादग्रस्त विधाने करणे सुरूच आहे. रमी खेळल्याच्या वादावरुन कृषिमंत्री पदावरून माणिकराव कोकाटे यांची नुकतीच उचलबांगडी करण्यात आली. आता परभणीच्या पालकमंत्री मेघना बोर्डीकर यांनी एका सभेमध्ये ग्रामसेवकालाच कानाखाली मारण्याचा इशारा दिल्याने राजकीय वर्तुळात गोंधळ उडाला आहे. बोर्डीकर यांचा हा वादग्रस्त व्हिडिओ समाजमाध्यमांवर टाकत राष्ट्रवादी काँग्रेस शरदचंद्र पवार पक्षाचे नेते रोहित पवार यांनी मुख्यमंत्र्यांना याबाबत जाब विचारला आहे.
