अपघातात पत्नीचा मृत्यू, शेवटचं पाहण्यासाठी पती व्हिलचेअरवरून स्मशानभूमीत; आईच्या मायेला पोरकं झालेल्या चिमुकल्यांचा टाहो

मुंबईत रविवारी एका कारने अनेक गाड्यांना धडक दिली होती. ७० वर्षीय कार चालकाचं कारवरील नियंत्रण सुटून हा अपघात झाला होता. या अपघातात वकील असलेल्या प्रियांका सत्रा यांचा जागीच मृत्यू झाला. तर त्यांचे पती मयांक सत्रा जखमी झाले आहेत. मयांक यांच्यावर सध्या रुग्णालयात उपचार सुरू आहेत. पत्नीला शेवटचं पाहण्यासाठी पती मयांक हे व्हीलचेअरवरून स्मशानभूमीत आले होते. अपघाताने अख्खं कुटुंब उद्ध्वस्त झाल्याचं दृश्य पाहून उपस्थितांच्याही डोळ्यात पाणी आलं.