Mumbai Fire News: मुंबईच्या ग्रँट रोड परिसरातील टिंबर मार्केटमध्ये भीषण आग; आगीवर नियत्रंण मिळवण्याचे प्रयत्न सुरू

मुंबईच्या ग्रँट रोड परिसरातील टिंबर मार्केटमध्ये भीषण आग लागल्याची घटना घडली आहे. आगीवर नियंत्रण मिळवण्याचे प्रयत्न सुरू आहेत. आगीमुळे जवळचा एक मॉल आणि एक उंच इमारत रिकामी करण्यात आली आहे. कामाठीपुरा, ग्रँट रोड येथील रेस्टॉरंटमध्ये पहाटे दोन वाजता आग लागली.(Mumbai Fire News)

अग्निशामक दलाच्या गाड्या घटनास्थळी दाखल झाल्या आहेत. पहाटे २ वाजता ही आग लागल्याची माहिती मिळते. अद्याप आगीनर नियंत्रण मिळालेलं नाही. मोठ्या प्रमाणावर आग भडकली आहे. आगीचे लोट दुरवरून दिसत आहेत. आगीचे कारण अद्याप अस्पष्ट आहे. अग्निशामक दलाच्या २० गाड्या घटनास्थळी दाखल झाल्या आहेत. आगीवर नियंत्रण मिळवण्यासाठी मोठे प्रयत्न सुरू आहेत. सुदैवाने कोणतीही जीवितहानी झालेली नाही. मात्र या आगीमुळे कोट्यावधी रुपयांचे नुकसान झाल्याची प्राथमिक माहिती मिळत आहे.

या संपुर्ण परिसरात धुराचे लोट पसरले आहेत. परिसरातील दुकाने जळून खाक झाली आहेत. या घटनेमध्ये कोणतीही जीवीतहानी झालेली नाही. मात्र, परिसरातील दुकाने जळाल्याने मोठं आर्थिक नुकसान झालं आहे. आगीवर नियंत्रण मिळवण्यासाठी शर्थीचे प्रयत्न सुरू आहेत.