नागपाडा येथील चायना इमारतीला भीषण आग..

मुंबई : नागपाडा येथील कामाठीपुरा परिसरातील चायना या इमारतीत सोमवारी सकाळच्या सुमारास भीषण आग लागल्याची घटना घडली. आगीत एक दोन वर्षीय चिमुकलीसह आठजण जखमी झाले आहेत. यात एकाची प्रकृती चिंताजनक असल्याची माहिती पालिकेच्या आपत्कालीन नियंत्रण कक्षातून देण्यात आली.          

कामाठीपुरा या अत्यंत गजबजलेल्या परिसरातल्या बगदादी कंपाउंडमधील चायना ही व्यावसायिक इमारत आहे. या इमारतीच्या तळ व पहिल्या मजल्यावर सकाळी साडेनऊच्या सुमारास भीषण आग लागली. इमारतीत लेदर व कपडे यांची गोदामे असल्याने आग काही क्षणात भडकली व आग लेवल दोनची झाली. १० नंतर ही आग आणखी भडकत जाऊन आगीची लेवल तीनची झाली. दाटीवाटीच्या वसाहतीत असलेल्या या इमारतीतील आगीचा धूर परिसरात पसल्याने रहिवाशांमध्ये भीतीचे वातावरण निर्माण झाले होते.

धक्कादायक - काय झालंय विचारलं की 'तो' सांगायचा TB आहे, पण त्याला तर होता...

आगीचा पसरलेल्या  धूरामुळे बाहेर पडता न आल्याने काहीजण इमारतीत अडकले. एका लहान मुलासह ८ जण  अग्निशमन दलाने तात्काळ बाहेर काढले. धुरामुळे श्वास कोंडून त्रास व्हायला लागल्याने त्यांना नायर रुग्णालयात उपचारासाठी दाखल करण्यात आहे. एकाची प्रकृती चिंताजनक असून उर्वरित जखमींची प्रकृती स्थिर असल्याचे प्रशासनाकडून सांगण्यात आले.

जखमींची नावे -
अनिया (२), चांदणी शेख (२५), निशा देवी (३२), मोहनराम (७०), आदिल कुरेशी (२०), रंजना देवी ( २४)  नेहा कुरेशी (२७) चंदा देवी ( ६०)

धक्कादायक - 'किक' बसण्यासाठी कफ सिरपचा वापर वाढतोय 

दरम्यान, आगीमुळे इमारतीचा काही भाग कोसळला तर काही भागाला तडे गेले. आगीत तळमजला व पहिल्या मजल्यावरील गोदामे, इलेक्ट्रॉनिक उपकरणे, वायरिंग , व्यवसायिक गाळे जळाले. दरम्यान तब्बल चार तासानंतर आगीवर नियंत्रण मिळवण्यात अग्निशमन दलाला यश आले. आग कशामुळे लागले याचे कारण अद्याप समजू शकलेले नसून तपास सुरु असल्याचे अग्निशमन दलाकडून सांगण्यात आले.  

WebTitle : massive fire in mumbai kamathipura area eight injured