मुंबईतल्या कोरोनाच्या गंभीर स्थितीवर महापौरांनी दिली महत्त्वाची बातमी | Sakal
sakal

बोलून बातमी शोधा

मुंबईतल्या कोरोनाच्या गंभीर स्थितीवर महापौरांनी दिली महत्त्वाची बातमी

शहरातील स्थिती कोरोनामुळे गंभीर बनली आहे. दरम्यान मुंबईतल्या कोरोनाच्या परिस्थितीवर मुंबईच्या महापौर किशोरी पेडणेकर यांनी प्रतिक्रिया दिली आहे.

मुंबईतल्या कोरोनाच्या गंभीर स्थितीवर महापौरांनी दिली महत्त्वाची बातमी

मुंबई: शहरात दिवसेंदिवस कोरोनाबाधित रुग्णांचा आकडा वाढताना दिसत आहे. शहरातील स्थिती कोरोनामुळे गंभीर बनली आहे. दरम्यान मुंबईतल्या कोरोनाच्या परिस्थितीवर मुंबईच्या महापौर किशोरी पेडणेकर यांनी प्रतिक्रिया दिली आहे. कोविड रुग्णांना योग्य बेड मिळावं. म्हणून पाऊल उचलले असल्याचं किशोरी पेडणेकर यांनी म्हटलं आहे. शहरातील कोरोनाचा प्रसार रोखण्यासाठी मुंबई पालिकेनं अॅक्शन प्लान तयार केला आहे. 

आपण प्रत्येक वार्डात 2 नोडल अधिकारी नेमतोय. रुग्णांना रात्री बेडसाठी विशेषतः ते मदत करतील. मुंबईकरांना १९१६ वर फोन केल्यावर व्यस्त असल्याचं कळतं. पण विनंती आहे. जिथे आपण राहतो त्या प्रभाग कार्यालयातील वॉर रूम मध्ये फोन करावं. त्यामुळे मदत मिळण शक्य होईल असंही त्यांनी सांगितलं आहे. 

२४ तासाच्या आत अहवाल द्या. म्हणजे उपचार लवकर देता येतील आणि योग्य ठिकाणी वर्गवारी करून त्यांना दाखल करता येईल, असं पालिकेनं लॅबला सांगितलं असल्याचंही त्यांनी म्हटलं आहे. 

मुंबई विभागातल्या ताज्या बातम्या वाचण्यासाठी येथे क्लिक करा.

खासगी रुग्णालयात लक्षणे नसलेले रुग्ण दाखल होत आहेत. त्यामुळे हॉटेलमध्ये आपण त्यांना राहण्यासाठी कोविड सेंटरसारखी व्यवस्था करून देऊ, पैसे त्यांनाच भरावे लागतील. त्यांना हॉटेल निवडण्याची परवानगी असेल. तिथे सगळी रुग्णालयाप्रमाणे व्यवस्था असेल, अशी माहितीही महापौरांनी दिली आहे. सगळी सोय तिथे असेल. कारण नसताना बेड अडवू नये म्हणून निर्णय घेतला असल्याचं त्या म्हणाल्यात.

आयसीयू बेड्स पालिकेने ३२५ अतिरिक्त जोडले आहेत. ४६६ वर बेड तयार आहेत. येत्या ७ दिवसात ११०० बेड कोविड सेंटर तयार करून तयार केले जातील, असं महापौर किशोरी पेडणेकर यांनी सांगितलं आहे. 

हेही वाचा-  Corona Virus: मुंबईत झपाट्यानं रुग्णवाढ, ७६ टक्के बेड्स फुल

अग्निसुरक्षा सप्ताह यंदा होणार नसून गुडीपाडवा घरी आनंदाने साजरा करा आणि आंबेडकर जयंती आहे. मुंबईकरांनी आनंदाने साजरी करा. पण घरी राहून साजरी करा. बाबासाहेबांनी केलेली देशसेवा स्मरून आपणही घरी राहून देशसेवा करू. तेच खर अभिवादन ठरेल, असं आवाहन किशोरी पेडणेकर यांनी नागरिकांना केलं आहे.

Mayor kishori pednekar on Mumbai Corona Virus Situation bmc covid 19 beds

Web Title: Mayor Kishori Pednekar Mumbai Corona Virus Situation Bmc Covid 19 Beds

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top